Popular Bible Verses from Mateo 28

Share

Mai tabori dami‑ya dai tokahi. Owa tamine dai hiyarahi. Mai‑ya dai habanirisahi. Okobi, Deoso Bidi, Deoso‑ka Doni ne oni‑ya mai weyenaboneni. Owati nafi‑ya dai kanawatohi, owati‑ya mai tokadababonehe. Dai tokiya, dai‑ya osawebone, dai honita tohateraboneni.” Yeso ati nemarine.

Makobote Yeso oda‑ya kobone, oda‑ya hiyare, “Neme, Bofe na‑ka hidi ohawahineni.

Yeso temene‑ya mai fanawi kobokana, Deoso‑ka yo‑yose mai‑ya hiyare, “Dai habo siitoriyahi. Yeso mai baahikane dai awebona dai ati na, haa‑ya awimare, kitame, abo fori‑ke yama dai awahi. Kitamebona ati ne, kitamawahane.

“Dai habo siitoriyahi. Oka soho mai dai hiyariyahi. Karireya‑kaya mai tokiyahi. Karireya‑kaya owa‑ya mai awaboneni.” Yeso ati nematane.

Sekorasa mai ati‑ya mai mita, Yodeo mai‑ka hidi mai bi‑bidi na mai‑ya mai daba, mai yorotokana, mai ibi hiyarameteni. Sekorasa‑ka yinero webote‑bona‑ya mai daanameteni, keyehe‑ya mai hirinabonehe. “‘Yama soki‑ya oda amoniya, Yeso abo‑ya hika mai da‑daba mai botenini.’ Dai ati nahi. Dai tamine Birato miteya, oda ati ene dai‑ya bisini awirebonane.” Mai ati nameteni. Yinero‑ya sekorasa mai kayafa, Deoso‑ka yama‑bone‑ya mai da‑daa mai‑ka hidi mai ati‑nima mai ati nawahamaroni. Mai ati‑ya Yodeo mai dami mita, “Yeso abo‑ya hika mai da‑daba mai botenini.” Yodeo mai ati nasa nani.