Popular Bible Verses from Roka 14

Share

“Oka dai tohabone dai ati na, owa‑ya dai nofi nafibisahi. Tika abi, tika ami, tika yibote, tika madehe, ayo, soho, adi, asima, mai na, mai dai nofi bi‑bidi, owa‑ya dai nofi nafibisahi. Hini dai‑ya dai nofi bi‑bidi, owa‑ya dai nofi nafibisahi. Owa‑ya dai nofi nafibisariya, oka dai tohi awiraboneni.

‘Owa‑ya mai ati nanahaba yama sibarini. Yeso‑ya da‑daba ohabisaboneni.’ Dai ati nahi. Haa‑nima dai ati ni awiriya, oka dai tohi awiraboneni.

Hini mai‑ya mai kahiyara, Deoso ene mai mai hinofaraboneni. Ai‑ya ai nokotonira, Deoso ene ai‑ya mai kahiyarawahaboneni.” Yeso ati nematane.

Dai‑ka yama nafi dai saatokasara, oka dai tohi awiraboneni.

Yobe nemehe ai wamanabone, yobe manakone ai kadiki baha, ai‑ka yinero ai kadikamaki, manakone ai kiha, yama sibarini, manakone kote ai kihara, yobe ai wamaterani. Yobe manakone‑ya mai kadikara, yinero tosiyo ene yobe wamani bai‑ya mai maakana, mai‑ya mai hahakanaboneni. ‘Yobe nemehe‑ya wamanebona ati ne, yinero tosiyo, yobe hawa tohaterebonane.’ Mai ati naboneni, mai hahahikaneya.

Mai‑ya tinatafabone, mai‑ka yama wadara mai toha, mai hi‑hiyana mai toha, mai ka‑kana mai toha, mai noki wadara mai toha, mai na, mai tinatafabisahi. Haa‑nima tiwa ene niya, ya‑yaitinaboneni. Tiwa‑ya mai haanami awiraboneni. Yama faina‑bone‑ya mai ihi amosa mai kitamiya, mai‑ya tisawebone, tiwa ene manakone‑ya Deoso daanebonane.” Yeso ati nematane.

Sao ihi ai tefe kabi amosa, faha ihi abiya, amosawamaterani. Sao ati kasira awa bono mate‑ya ai ketehera, yamata ade‑ya kasomaterani. Hiniya ai weretowititeni. Owati dai mita owati dai tokadabahi.” Yeso ati nematane.