Popular Bible Verses from Yowaho 6

Share

“Deoso‑ka baho ama·oni. Owa ene mai fimiraboneni. Owa‑ya mai nofa mai fimimarihi, owati‑ya mai nofa mai baki hokomarihi teboneni.

Ai atibodi ene ai abarani. Ai abano ababisateni. Dai atibodi tamine‑ya ohiyara, owati dai nofiya, dai abaraboneni.

Yamata dai nokotoniriyahi. Yamata batateni. Oka yamata bara ihi dai abaterabone, fara dai nokotonibisahi. Okobi i‑di Deoso owa‑ya yose, owa‑ya kayawemarine. Yamata bara dai‑ya daa·onaboneni. Dai‑ka Ayo neme‑ke ama·oni.” Yeso ati nemarine.

Haa‑nima yama na‑ya Okobi nofane, Bidi mai hiawa, Bidi ati mai hinofa hine mai abateraboneni. Yama faina‑bone‑ya mai onakitamaboneni.” Yeso ati nemarine.

“Deoso ati‑nima dai nabone, Deoso hiyosemari ati dai nofahi.” Yeso ati nemarine.

Dai one‑ya Okobi owa‑ya daane, Okobi mai daahina owa‑ya mai nafi nofabone, owa‑ya mai nofiya, ‘Dai‑ya onofi awirini, dai tokahi.’ Oteraboneni.

“Ayo, oda toki awirini. Ai abaterabone‑ka hawi yofitikana, ai‑ya yo‑yofikana‑ba ai owa wadarane.

Neme‑ya okisamaroni. Baho‑nima ona ama·oni. Oka baho‑ya mai kaba, mai abateraboneni. Bofe‑ya dai wi‑wina dai‑ya okasomabone, oka baho daa·onaboneni. Oka baho owa eme tamine amani.” Yeso ati nemarine.

Okobi owa‑ya yosemari, owa‑ya Okobi mai hiyosera, owati‑ya mai nofaraboneni. Owati‑ya mai no‑nofa yama faina‑bone‑ya mai onakitamaboneni.

Neme‑ya yanane, bofe‑ya kise, ene dai abarabone, fare Deoso‑ka baho amane.” Yeso ati nemarine.

Baho amosabote‑nima ona ama·oni. Owa ene mai abaraboneni.

Baho‑ya Yeso damakane, Deoso‑ya hiyare, baho‑ya oda‑ya daani bahe, aba mai‑ya daanamakitase, mai nafi‑ya yama oda daanawahamaroni. Hini mai ati‑nima mai tafe‑bone oda nayowamaroni. Mai nafi korimanama, “Yamata kote hasina dai teenahi, abarabonehe.” Yeso ati nemarine.

Faha bai‑ya kanawa oda oriniya, Yeso faha baki‑ya kamaki, kanawa yakari‑ya yakane, oda awa, oda habo siitoni kitamaroni. “Dai kakomeheriyahi. Fara ama·oni.” Yeso ati nemarine.