Popular Bible Verses from མཱར་ཀུ་ལེའུ་ 14

Share

ཁོ་གིས་ ཨབ་བ་ཟེར་ རྫོང་ཁ་ན་འབད་བ་ཅིན་ ཡབ་ལགས་ཟེར་བའི་དོན་དག་ཨིན་མས་ ནཱ་གི་དོན་ལུ་ག་ནི་ཡང་མཛད་མ་ཚུགསཔ་མེད་ སྡུག་བསྔལ་གྱི་ཕོརཔ་འདི་ ངེ་གི་གུ་ལས་འཐུ་བསྣམས་གནང་ མ་གཞི་ ངེ་གི་འདོད་པ་ལྟར་དུ་འབད་དགོ་ཟེར་ཞུཝ་མེན་ ཨིན་རུང་ ནཱ་གི་ཐུགས་དགོངས་དང་འཁྲིལ་ཏེ་ མཛད་གནང་ཟེར་ཞུ་ནུག

གཉིད་མ་ལོག་པར་སྨོན་ལམ་བཏབ་སྟེ་སྡོད་ དེ་ལས་ཁྱེད་རང་བར་ཆད་ནང་མི་ཚུད་ སེམས་ཀྱིས་འབད་དགོ་མནོ་རུང་ ལུས་ཀྱི་རང་བཞིན་དེ་ཉག་ཕྲ་སི་སི་ཨིན་མས་ཟེར་གསུངས་ནུག

ང་གིས་ཁྱེད་ལུ་དོན་དག་རང་སླབ་དོ་ འཛམ་གླིང་གི་ས་ཕྱོགས་ག་ཏེ་ལུ་ཡང་གཏམ་བཟང་དེ་བཤདཔ་ད་ མོ་གིས་ག་འབད་མི་འདི་ ག་ར་གིས་སེམས་ཁར་དྲན་ཏེ་སླབ་འོང་ཟེར་གསུངས་ནུག།

ངེ་གི་སེམས་སྡུག་བསྔལ་གྱིས་གདུངས་ཏེ་ དོན་ཧིང་ཡང་འགས་ཏེ་ཤི་ནི་བཟུམ་ལུ་ཐུག་ཅི་ ཁྱེད་ནཱ་གཉིད་མ་ལོག་པར་སྡོད་ཟེར་ ཁོང་ལུ་གསུངས་ནུག

ཚོགས་བཞེས་པའི་བསྒང་ལུ་ ཡེ་ཤུ་གིས་ཏད་ཟས་ཕྱག་ལུ་བསྣམས་སྦེ་ བཀའ་དྲིན་ཆེ་ཟེར་ཞུ་ཞིནམ་ད་ བཅགས་སྦེ་ ཁོང་ལུ་གནང་སྟེ་ ཨ་ནི་ངེ་གི་གཟུགས་ཨིན་ ལེན་ཏེ་ཟ་ཟེར་གསུངས་ནུག

བཞེས་ཆ་འདི་ཕྱག་ལུ་བསྣམས་ དཀོན་མཆོག་ལུ་བཀའ་དྲིན་ཆེ་ཟེར་ཞུ་སྦེ་ ཁོང་ལུ་གནང་སྟེ་ ག་ར་གིས་འདི་ལེན་ཏེ་འཐུང་ནུག དེ་ལས་ཡེ་ཤུ་གིས་ ཨ་ནི་བཞེས་ཆ་ནང་ཡོད་མིའི་ཁྲག་དེ་ དཀོན་མཆོག་གི་ཞལ་འཆེས་གསརཔ་འདི་ཨིན་ ཨ་ནི་ཁྲག་འདི་ མི་སེར་ལེ་ཤ་གི་དོན་ལུ་བླུག་བླུགཔ་ཨིན།

ཡེ་ཤུ་གིས་སློབ་མ་ཚུ་ལུ་ ཁྱེད་ག་ར་གིས་ང་ལུ་སྤང་སྟེ་འགྱོ་འོང་ ག་ཅི་སྨོ་ཟེར་བ་ཅིན་གསུང་རབ་ནང་། ང་གིས་ལུག་རྫིཔ་ལུ་བསད་ནི་ཨིན་ དེ་ལས་ལུག་ཚུ་ག་ར་ཁ་གཏོར་གཏང་འོང་ཟེར་ དེ་སྦེ་བྲིས་ཏེ་འདུག

ད་ཡར་ལོངས་ཤིག་ ང་བཅས་འགྱོ་གེ་ ང་ལུ་ངོ་ལོག་རྐྱབ་མི་དེ་ ནཱ་ལྷོད་ཅི་ཟེར་གསུངས་ནུག

ཡེ་ཤུ་གིས་ཁོ་ལུ་ ང་གིས་ཁྱེད་ལུ་དོན་དག་རང་སླབ་དོ་ ད་རེས་ཕྱི་རུ་ལས་འགོ་བཙུགས་ཏེ་ ནངས་པ་དྲོ་པ་གི་བར་ན་ བྱ་པོད་ཚར་གཉིས་མ་འབོ་པའི་ཧེ་མ་ལས་ ཁྱོད་ཀྱིས་ང་ལུ་ངོ་མི་ཤེས་ཟེར་ ཚར་གསུམ་སླབ་འོང་ཟེར་གསུངས་ནུག