Popular Bible Verses from ལུ་ཀ་ལེའུ་ 6

Share

ཕར་བྱིན་ འདི་བཟུམ་སྦེ་ཁྱེད་ལུ་ཡང་གནང་འོང་ ཕར་བྱིནམ་ད་ ཀྲེམ་མ་རྐྱབ་པར་ འཇལ་ཁ་ལེགས་ཤོམ་སྦེ་འཇལ་ཏེ་བྱིན་ བྲེ་ལྟེམ་ལྟེ་སྦེ་ མར་མནེམ་སྟེ་འཇལ་ ཁྱེད་ཀྱིས་ག་དེམ་ཅིག་ཚད་འཇལ་ཏེ་ ཕར་བྱིན་དོཝ་བཟུམ་སྦེ་ ལོག་སྟེ་ཁྱེད་ཀྱི་ཕ་མ་བཀང་སྟེ་གནང་འོང་ཟེར་གསུངས་ནུག

མི་བཟང་པོ་གིས་ སེམས་ནང་བཟང་པོ་བསགས་ཏེ་ཡོད་མི་ནང་ལས་ བཟང་པོ་རང་འཐོན་འོངམ་ཨིན་ དེ་ལས་མི་ངན་པ་གི་སེམས་ནང་ ངན་པ་བསགས་ཏེ་ཡོད་མི་ནང་ལས་ ངན་པ་རང་འཐོན་འོངམ་ཨིན་ ག་ཅི་སྨོ་ཟེར་བ་ཅིན་ ཁྱེད་ཀྱི་སེམས་ཁར་ག་མནོ་མི་འདི་ ཁ་ལས་འཐོནམ་ཨིན།།

དེ་འབདཝ་ད་ རང་གི་དགྲ་བྱང་ཕྱད་ཚུ་ལུ་ བྱམས་པ་འབད་དེ་ཁོང་ལུ་ཕན་བཏག་བྱིན་དགོ་ བསྐྱི་ནི་བརྙའ་ནི་དེ་ཚུ་བྱིནམ་ད་ ལོག་སྟེ་ཚུར་ཐོབ་ནི་གི་རེ་བ་མ་བསྐྱེད་པར་བྱིན་ དེ་ལས་ཁྱེད་ཀྱིས་གསོལ་རས་སྦོམ་ཐོབ་མ་ཚད་ བླ་ན་མེད་པའི་དཀོན་མཆོག་གི་སྲས་དང་སྲསམོ་སྦེ་བརྩི་འོང་ བཀའ་དྲིན་བསམ་མ་ཤེས་མི་དང་ མི་ངན་པ་ལུ་དཀོན་མཆོག་གིས་སྙིང་རྗེ་གཟིགསཔ་ཨིན།

ཁྱེད་ཀྱི་ཡབ་ཀྱིས་ སྙིང་རྗེ་གཟིགས་དོཝ་བཟུམ་སྦེ་ ཁྱེད་ཡང་སྙིང་རྗེ་བསྐྱེད་དགོ་ཟེར་གསུངས་ནུག།

རོགས་ཀྱི་སྐྱོན་མ་བཏགས་ དེ་ལས་ཁྱེད་ལུ་ཡང་སྐྱོན་མི་བཏགས་ རོགས་ལུ་ཁྲིམས་མ་བཀལ་ དེ་ལས་ཁྱེད་ལུ་ཡང་ཁྲིམས་མི་བཀལ་ གཞན་གྱི་ཉེས་པ་ལུ་དགོངས་ཡངས་གཏང་ དེ་ལས་ཁྱེད་ཀྱི་ཉེས་པ་ལུ་ཡང་དགོངས་ཡངས་གནང་འོང་།

ཡེ་ཤུ་གིས་ད་རུང་ ཁྱེད་ནཱ་ཉན་སྡོད་མི་ཆ་ཁྱབ་ལུ་ང་གིས་སླབ་གེ་ རང་གི་དགྲ་བྱང་ཕྱད་ལུ་བྱམས་པ་འབད་ ཁྱེད་ལུ་མ་དགའ་མི་ཚུ་ལུ་ལེགས་ཤོམ་འབད། ཁྱེད་ལུ་ཁ་སྨོན་ངན་པ་བཏབ་མི་ཚུ་གི་དོན་ལུ་ བྱིན་རླབས་ཞུ་བྱིན་ ཁྱེད་ལུ་གནོད་པ་བཀལ་མི་གི་དོན་ལུ་སྨོན་ལམ་ཞུ་བྱིན།

མི་གཞན་གྱིས་ཁྱེད་ལུ་ག་ཅི་འབདཝ་ད་དགའ་ག་ འདི་བཟུམ་སྦེ་རང་ཁྱེད་ཀྱི་རོགས་ལུ་འབད་དགོ།

ཁྱེད་ཀྱི་ཟ་ལྟབ་གཡསཔ་ལུ་དྲང་པ་ཅིན་ ཟ་ལྟབ་གཡོནམ་འདི་ཡང་བཟེད་ ཁྱེད་ཀྱི་བགོ་འཕྱོག་འབག་པ་ཅིན་ ཁྱེད་ཀྱི་ཁན་འཇར་འདི་ཡང་བྱིན་གཏང་། ཁྱེད་ལས་ལྷང་མི་ག་ར་ལུ་བྱིན་ ཁྱེད་ཀྱི་ཅ་ལ་འབག་པ་ཅིན་ལོག་སྟེ་ཚུར་མ་ལེན།

ཤིང་ལེགས་ཤོམ་གྱིས་དོག་མ་ཟོགཔོ་མི་བཏག་ ཤིང་ཟོགཔོ་གིས་དོག་མ་ལེགས་ཤོམ་མི་བཏག

ཤིང་རེ་རེ་གི་ལེགས་ཉེས་འདི་ དོག་མ་བཏག་ཐངས་ཀྱིས་ཤེས་འོང་ རྩང་ཤིང་ལས་ཅོང་སེ་ཤིང་གི་དོག་མ་མི་བཏག་ རྩང་ཤིང་ལས་རྒུན་འབྲུམ་གྱི་དོག་མ་མི་བཏག