Popular Bible Verses from Luka 8

Share

Dite gà mìsle ŋgiɗ pam asa ka, ti ndzikiɗ ba wur daw ana a dza aka ahəɗ ŋgwal ŋana. Ti tsereke a bazlam Mbulum, ta gis a a gəzləŋ tar lele nda maŋgayaba. Bəla mesewere are aka ndzera ka, hiywe ta misek a dər tsa, ta ge a dukw ana a ge a ŋgulum a Mbulum a.»

Gà mìsle ŋgiɗ pam asa, ti ndzikiɗ ba wur daw ata a dza aà huɗ adak a, ti tsereke a bazlam Mbulum. Ama madzala gà gər mesewere are ana ti dzele a pampam, nda gà limana nda meèweke gər ahəɗ ta ge a madzək a bazlam Mbulum ana i gəzləŋ tar a, dite megìse tar ata a ge a ndzəɗa asa tsa.

Gà biy ŋgiɗ pam asa, ti ndzikiɗ ba wur daw ata a dza aà sik kuvəl a. Ta gis a bazlam ata a gəzləŋ tar nda gà maŋgayaba tsara. Ama bazlam ata a ŋge a zlile aà mendze i gəzləŋ tar tsa. Zàkwayiya, mesewere are a dere a, a dzik à ter a tsara ka, ta miyek a à bazlam ata ta gəs a gəzləŋ tar a.

Dite Yesuw a gwaɗa a gà ɓəzla mazazama ŋgat ata: «Wànà kàa gəsum iye a gəzləŋ kurum tsiye, na ki gwim a magəɗa kataya ya?» Ama ka, ta ŋgat a dukw Yesuw ata a ge kataya ya ka, a ge aà tar kamala dukw mene aà mburma ya. Ta ge magəɗa hinne asa nda medzedzere. Ta gwaɗaba ika magər tar: «Wele aaha i ŋgar dze ana, weke, na a kwere akaba a gà himbiɗ nda yam ka, ta gis ahər a ahəm a?»

Gà mìsle ŋgiɗ pam, ti ndzikiɗ ba ka, wur daw ata a dza aka vatwa ya. Ti ndzikiɗ ba gà mburma ana ti tsereke a bazlam ata ka, ama Əbay sitene a dehe a, a ndzehe a bazlam ata ta gəs a gəzləŋ tar a, dite ta gəs nda gəzləŋ tar, ta mbala asa tsa.

Aɗaba dukw ana makàhà ŋa kinehe ya ka, aləka aka miɗ mba ka, a ta pèt a aba lele. Dite dukw ana gà mburma tə sər kinehe tsiye ka, aləka aka miɗ ka, parakkà a sir aaba a lele mbaŋa.»

Aləka məkəs ata a samata ka, Yesuw aka mbər mesire aà dukw ana a ge ya, a daha aka miɗ ŋgar nda gà medzedzere slàɓslàɓslàɓ. A kal aba aka miɗ ŋgar a fata. A tsik a Yesuw melime ana a ləm ahər a ika miɗ mburma tserdze, dite meme na a mbəl tsara ya. Yesuw a gwaɗar i dəba bazlam ŋgar ata ya: «Dəm ga, megìse yak ana kì gis iye nda gəzləŋ a ka, aka mbəl à kər. Daba nda zay.»

Gà ɓəzla mazazama ŋgat ata tə daha, a təv Yesuw. Ta piɗeke à ŋgat. Ta gwaɗar: «Əbay, Əbay, ki dzèkwe a a yam.» Yesuw a hitse aà mbulum. A kwara akaba gà himbiɗ ata nda yam ana a tsele akaba a ya. Himbiɗ ata də̀ɓəts a mət aaka, mege yam aaha tekeɗe, a tsele akaba a asa tsa.