Popular Bible Verses from Luka 12

Share

Aɗaba taŋa, kurum tekeɗe, hadzalum ba kurum mbaŋa. Ndzum ka, nda metsehe lele, tsəka, iye, *wur ana a dara i təv Mbulum a, i mère a ka, a pat ana dùŋgukkwà, kurum ihər ki vevwim a iye ya tsa.»

Dzalum gà gər ivaɗ ka, aka *mekwere Mbulum, dite Mbulum a vile a kurum a gà asiŋ gà dukw ŋgiɗ ana ti sle aà kurum a ya tserdze mbaŋa.

I dəba ŋa ya, Yesuw a gwaɗa a mburma tserdze: «Gwim metsehe nda təv məburnun mawàyà limana ana hinne ya. Aɗaba mesife mburma ana ndzer a ka, a ndze a ka, nda gà dukw ŋgar tsa, na mege ku ŋgat a riŋ nda gà limana hinne tekeɗe ya.»

Aɗaba təv ana limana kurum iɗəm a ka, madzala gà gər kurum tekeɗe, tseŋgikkè i fata asa mbaŋa.»

Kinehe ana, weke na ika magər kurum a dzele a kataya, dite ka, a sle aà mesikehe a à mandza aà bəra ŋgar zaakwa ya?

I dəba ŋa ya, Yesuw a gwaɗa a gà ɓəzla mazazama ŋgat ata asa: «Aɗaba taŋa na iye ihər i gweɗe a kurum a kinehe ka: Arəv ma da aà kurum a, ka dzalum dukw mezime ana mìi zim a ana là, kige tsa, mìi tiye akaba a ana, là tsa.

Kamala taŋa ya, kurum tekeɗe, kataya mbaŋa. Ambəz gər kurum fit ka, Mbulum a sər maɗàmà ŋa ilik ilik tserdze. Ki gwim magəɗa tsa. Kurum ana, kà zùm gà ɗiyeŋ ana mawùba ŋa tèsìsse ya kweleŋ fìtìte tsiye, na ika miɗ Mbulum a?»

A kurum palam gà təmaŋ ana hinne tsiye: Ki gwim magəɗa tsa, aɗaba Mbulum Tsir kurum aka ŋgaya ba aà məvəla kurum təv mendze i mekwere ŋgar.»

Fə̀rum aà gà ŋgatak kwaŋ. Kwets ti slige a duwa tsa, ta pele a duwa i bəɗ a tsa, dite awura tar a riŋ aà mekèhe aɗəm gà dukw tar, kige tsa ləmba tar a riŋ aà medzè aaka gà dukw mezime tar ɓav tsa asa. Ama Mbulum na a riŋ a vile a ter a dukw mezime ya. Dite kurum dze ana, kà zùm gà ɗiyeŋ tsiye, na i təv Mbulum a?

Aɗaba taŋa, kə̀ gə̀zlum ba gər aà mayaha dukw ana ki ti zimwim a ya, kige tsa, ki ti swim a ya tsa asa.

Aɗaba taŋa, na Mbulum a riŋ ihər, à dìweye a gà gər gà kwizir ana i dala ya lele, a biziŋa, ama ndidwe ŋana ka, ta wene a tsara dze seyiŋ ana, sakwàn kurum a. A dìweye a kurum ana, à zè a taŋa tsiye, na kurum ana kə̀ gəsum iye nda gəzləŋ kwizikw a?

Dukw ana makàhà ŋa kinehe ya ka, a ta pèt a aba mba, dite dukw ana ti tsikewa nda akəl a tekeɗe ka, a ti sir a aba. I təv kurum tekeɗe, kataya mbaŋa.