Popular Bible Verses from Lúcas 7

Share

Upévare, Che ha’e ndéve Simon: Ichupe g̃uarã oñeperdonáma iñangaipa heta, ha’e ohayhu hetágui. Upe michĩ oñeperdonava’ekue michĩ ohayhuva’erã avei. Upémaramo Hesu he’i pe kuñáme: Ne angaipakuéra oñeperdonáma.

Hesu katu he’i pe kuñáme: Nde rejerovia porãgui rejesalváma, tereho py’aguapýpe.

Ha pe kuña péva ou hapykuéguio oñesũ Hesu py renondépe, oñepyrũ ojahe’o ha omyakỹ Hesu pykuéra hesaýpe, omokã jey iñakã raguépe, ohetũ ipy, ha oipichy imba’e ryakuã porã reheve Hesu pykuéra.

Upévare ndaijái chéve, che voi aha hag̃ua ne rendápe, eremínte peteĩ ñe’ẽ ha che rembiguái okueráta katuete. Che ningo peteĩ kuimba’e aguerekóva che poguýpe soldadokuéra ha che ha’e ramo peteĩme: Tereho, ha’e oho, ha che ha’e ramo ambuépe: Eju, ha’e ou. Ha che ha’e ramo che rembiguáipe ejapo ko mba’e: Katuete ha’e ojapo. Hesu ohendúvo péva, oguerohory, ha oñembojere he’ívo opavave omoirũva guivépe ichupe: Añetehápe Che ha’e peẽme: Israelguakuéra apytépe ndajohúi gueteri koichagua jerovia tuicháva.

Upejavete Hesu omonguera hetápe imba’asýgui ha ijejopy vaígui, omosẽvo mba’epochykuérape ha omonguerávo hesatũvape. Ha Hesu he’i ichupekuéra: Tapeho pemombe’u Juan Bautístape umi mba’e peẽ pehecháva ha pehendúva: Hesatũva ohecha jey, ijapáva oguata jey, iléprava okuera, ijapysapéva ohendu jey, omanomava’ekue oikove jey, mboriahukuérape oñemombe’u pe evangélio (marandu porã).