Popular Bible Verses from Lúcas 16

Share

Upe oiporúva hekópe umi mba’e michĩ oñeme’ẽva ichupe oñangareko hag̃ua hesekuéra, ha’e oiporúta hekópe avei umi mba’e tuicháva oñeme’ẽtava ichupe oñangareko hag̃ua. Ha upe oiporúva hekope’ỹ umi mba’e michĩva, oiporúta hekope’ỹ avei umi mba’e tuicháva, oñeme’ẽtava ichupe oñangareko hag̃ua.

Peteĩ tembiguái ndaikatúi omba’apo mokõi patrónpe g̃uarã, opoiva’erã ipatróngui, ohayhu hag̃ua ambuépe, ipatron pyahúpe, térãpa omoirũva’erã peteĩme omboyke hag̃ua ambuépe. Peẽ ndaikatúi peservi Ñanderuetépe ha pirapirépe avei.

Peẽ ndapeiporúi ramo hekópe pe pirapire oñeme’ẽmava’ekue peẽme peñangareko hag̃ua, mávapa upéicharamo ome’ẽne peẽme umi me’ẽmby yvága peguáva. Ha peẽ ndapeiporúi ramo hekópe umi mba’e ndaha’éiva pene mba’eteéva, mávapa ome’ẽséne peẽme pene mba’eteéva.

Abraham katu he’i ichupe: Ha’ekuéra nohenduséi ramo Moises ha profetakuérape, nohendumo’ãi avei peteĩ opu’ã ramojepe omanova’ekue apytégui.

Oimeraẽ opoíva hembirekógui ha omenda jey ambue kuña rehe ombyai imendare reko, ha pe kuimba’e omenda ramo peteĩ kuña ojepoiva’ekuére ombyai avei imendare reko.