Popular Bible Verses from Juan 6

Share

Upémaramo Hesu he’i ichupekuéra: Che voi ningo pe pan oikovéva, oimeraẽva oúva guive che rendápe naiñembyahyimo’ãi araka’eve, ha ojeroviáva guive cherehe, máramo ndaijy’uheimo’ãvéi.

Pe Pytu Porãmbáva ningo oporomoingove, pe tete año ndovaléi mba’eve. Ko’ã ñe’ẽ Che ha’éva guive Ipytu Porãteéva ha ogueru pe tekove añeteguáva.

Ani peñeha’ã pehupity hag̃uánte pe tembi’u opa reíva, peñeha’ã katu pehupity hag̃ua pe tembi’u tekove tapia g̃uarãva uvei, ha kóva ningo pe yvyarigua Ra’y ome’ẽtava peẽme, ha Ñanderuete, pe Jaraitéva omoañete voi ichupe.

Kóva ningo che Ruete rembipota, opavave ohecháva guive Ita’ýrape ha ojeroviáva guive hese oguerekóma pe tekove añeteguáva ko ára atyguasúpe ha Che amoingove hag̃ua ichupekuéra pe ára pahápe.

Hesu ombohovái ichupekuéra ha he’i: Kóva ningo Ñanderuete rembipota: Peẽ pejerovia hag̃ua Ha’e ombouva’ekue rehe.

Opaite umi che Ruete ome’ẽva chéve oúta che rendápe, ha upe oúva che rendápe mba’evéicharamo namosẽmo’ãi okápe.

Simon Pédro katu he’i ichupe: Ore Jára, máva rendápe piko rohóta. Ne ñe’ẽ ningo oporomoingovéva tapia g̃uarã

Che ningo pe pan oporomoingovéva ha oguejyva’ekue yvágagui, upe ho’úva ko pan oikovéta tapiaite, ko pan che ame’ẽtava yvyariguakuéra rekoverã rehehápe, che ro’oite voi ningo.

Avave ningo ndaikatúi ou che rendápe ogueru’ỹ ramo ichupe che Ru chembouhare, ha Che amoingovéta ichupe pe ára pahápe.

Ñanderuete pan ningo oguejyva’ekue yvágagui ha ome’ẽ pe tekove añetéva tetãyguakuérape.

Che ningo pe pan oporomoingovéva.

Hesu ojapyhy umi pan, oagradece Ñanderuetépe, ha ome’ẽuka umi oguapývape, péicha ojapo avei umi pira rehe, ha ome’ẽ ichupekuéra ho’use háicha. Hyg̃uatãmbáma ramo, Hesu he’i hemimbo’ekuérape: Pembyaty umi tembi’u pehẽngue hembýva guive, anítei oñehundi mba’evete.

Ha oho rire hikuái peteĩlégua rupi, ohecha hikuái Hesu oguataha y apére, ha oñemoag̃uive oúvo icanoakuéragui, oñemondyipa joa hikuái. Hesu katu he’i ichupekuéra: Chénteko, ani pekyhyje.