Popular Bible Verses from Juan 1

Share

Umi omog̃uahẽva’ekue (orecibiva’ekue) ichupe hekovépe, Ha’e ome’ẽ ichupekuéra pu’aka oiko hag̃ua ichuguikuéra Ñanderuete ra’ykuéra ha itajyrakuéra, ojeroviáva guive Héra rehe.

Ñepyrũmbýpe oikomava’ekue pe Ñe’ẽ ha pe Ñe’ẽ oĩ Ñanderuete ndive, ha pe Ñe’ẽ ningo Ñandejára Hesu Crísto voi.

Ha pe Tesape ningo ohesape pytũmbýpe, ha pe pytũ ndaipu’akái hese.

Ha pe Ñe’ẽ oñemboho’o ha oikóma ñande apytépe kuimba’e ramo, ha ore rohecha heko jajaipa, Ñanderuete Ra’y peteĩetéva reko jajaipa, henyhẽva jeporiahuvereko (mborayhu) ha añeteguágui.

Opaite mba’e oikova’ekue ko Ñe’ẽ kóva rupivénte, hese’ỹ ndoikói mba’eve, opaite mba’e oĩva guive. Ipype oĩva’ekue pe Tekove, ha pe Tekove ningo umi kuimba’e ha kuñakuéra Resapehára.

Ambue árape ha’e ohecha Hesu Crístope, ouvahína hendápe, ha Juan he’i: Pema’ẽ porãke, péva ningo Ñanderuete Ovecha Ra’y oipe’áva tetãyguakuéra angaipa.

Pe Tesape ou ko yvy apére ha Ha’érupi ojejapova’ekue ko yvy ha jasytatakuéra (mbyjakuéra); ha tetãyguakuéra katu ndohechakuaái ichupe Ijaraha. Pe Tesape ouva’ekue hetãteépe, hetãyguakuéra katu nomog̃uahẽiva’ekue ichupe.

Pe Ñe’ẽ ningo pe Tesape añeteguáva, ouva’ekue ko yvy ape ári ohesape hag̃ua opavave kuimba’e ha kuñáme.

Umi tembiapoukapykuéra oñeme’ẽva’ekue Moises rupi, pe jeporiahuvereko ha pe añetegua katu oñeme’ẽ Hesu Crísto rupi.