Popular Bible Verses from Génesis 28

Share

Péina ápe, Che aĩ nendive, ha añangarekóta nderehe mamo rehoha rupi, ha rogueru jevýta ko yvýpe nde reho hágui, ndorohejamo’ãigui, rejapopa peve Che ha’eva’ekue guive ndéve.

Ha Ñanderuete oĩhína amo hi’ariete, ha he’i ichupe: Che ningo pende Ruete, nde ru Abraham ha Isaac Jára; pe yvy reñenoháme ame’ẽta ndéve ha ne ñemoñarenguérape.

Ha Jacóbo opáy, ha he’i: Añetehápe Ñanderuete oĩ ko’ápe, ha che ndaikuaái.

Ha Jacóbo ome’ẽ iñe’ẽ Ñanderuetépe ha he’i: Nde chemoirũ ramo ha reñangareko ramo cherehe mamo ahaha rupi, ha reme’ẽ ramo chéve che rembi’urã, che aorã amonde hag̃ua, ha py’aguapy reheve aju jevy ramo che ru rógape, Nde reikóta che Jára, ha che Ruete ramo. Ha ko ita amopu’ãva techaukaha ramo opytáta Ñanderuete ñemomba’eguasu rendag̃ua ramo; ha opaite mba’e reme’ẽvagui chéve, amboykéta ndéve g̃uarã pe diézmo.

Ha ne ñemoñare hetáta ku yvy timbóicha, ha reñemyasãita kuarahyreike ha kuarahyresẽ gotýo, yvatévo ha yvy gotýo; ha yvy ape ariguakuéra ojehovasáta ne ñemoñarenguéra rupi.

Ha ombohéra pe yvy péva Betel, Luz herava’ekue pe táva.