Popular Bible Verses from Génesis 26

Share

Eiko tetã ambueygua ramo ko tetãme, Che aĩta nendive ha rohovasáta; ndéve ha ne ñemoñarenguérape katuete ame’ẽta ko yvy tuichakue ha amoañetéta pe ñe’ẽ ha’eva’ekue nde ru Abrahámpe.

Amboheta hetavéta ne ñemoñarenguéra mbyjakuéra árare oĩ háicha, ha ne ñemoñarenguérape ame’ẽmbaitéta ko yvy kóva; ha mayma tetã yvy ariguáva ojehovasava’erã ne ñemoñarenguéra rupi, Abraham ohendu ha ojapo haguére che ñe’ẽ, che rembiapoukapy, che rekombo’e ha che rembipota.

Ha oñemboykénte upégui, ojo’ove ambue yvykua, ha noñorãirõvéi hikuái péva rehe, ha ombohéra Rehobot ha he’i: Ko’ág̃a ae Ñanderuete ñanembopy’aguapy ha ñañeakãrapu’ãta ko yvýpe.

Ha Ñanderuete ojehechauka ichupe ha he’i: Aníke reguejy Egíptope; eiko pe yvy che ha’étavape ndéve.

Ha Isaac omopu’ã upépe peteĩ kuave’ẽmby renda ha ohenói Ñanderuete réra, ha omopu’ã upépe hóga mymba pirekueguiguáva ha hembiguaikuéra ojo’o upépe ambue ykua.