Popular Bible Verses from uMaaliko 9

Share

UYeesu ahati, “Shooni she ukuti, ‘Inga ungavhwezya’? Zikuvhwezenkana zyonti kwa muntu wonti we ali nu lwitiho.”

Pepaala, uyise uwa mwana ula ahahoola inkoolo, ahati, “Niitiha! Ileelo ulwitiho lwane lutakwiliine, naavwa imbe nu lwitiho ku kwaho!”

UYeesu na vhasundikwa vhaakwe vhahinjila mu nyumba paala pe vhahavhanga, vhahamuvhuziilizya kukwilu vhahati, “Shooni she iswe twaaposiitwe kuyishimbizya impepo inkandamanu yiila?” UYeesu ahati, “Impepo inkandamanu ye yili vhwevhulo utangayeefwa, nkandi lwe ukumulaavha uMulungu nu kuyiima kulya.”

Ivheeya shintu shinza, ileelo inga lyasuupa, shiliipo she shingalinonia? Muvhe ni ivheeya muhati zyinyu, mutendame ku vhutehamu mwemwe mweka.”

“We akumuposheela umwana umunsi inza uno kwi izina lyane, akumposheela neene. Woope we akumposheela ine, akumuposheela ula we antumiliziizye.”

Nalyoli nkuvhavhuuzya kuuti, umuntu wonti we akuuvhapa aminzi aga kumwela, mwe pe imwe mwe vhalandati vhaane, uMulungu aliimupa amalipilo gaakwe.”

“Umuntu wonti we akumupelela kuvhomba uvhutalamalandu wumo mu vhansi ivha vhe vhakuniitiha ine, yaamile kwashi ku kwakwe kupinyiilwa ulwala ulupiti mu nsingo yaakwe, nu kusumbilwa mwa sumbi, kuluusya amayimba ge galimwaga.

Havhili, inga ilyinso lyaho likukupelela kuuti uvhombe uvhutalamalandu, ulifwonkole nu kulisumba ukutali! Yeenya, kwashi kwinjila mu vhumwene uvhwa Mulungu ni lyinso lyoka, kuluusya kusumbilwa mwi ipalaazya ilya mwoto uwa shiima na minso gonti gavhili.