Popular Bible Verses from uLuuka 7

Share

Kuli izyo, nalyoli nkukuvhuuzya kuuti, aswililiilwe uvhutalamalandu vhwakwe uvhwinji, pe akulolesya ishikunzi shaakwe ishipiti. Ileelo wonti we akuswilwa hansi, akuvha ni shikunzi ishinsi.” Pe uYeesu ahamuvhuuzya umwantanda uyo ahati, “Waswilwa uvhutalamalandu vhwaho.”

Pe uYeesu ahamuvhuuzya umwantanda uyo ahati, “Waapokwa, mwe pe waniitiha, sogolaaga, uMulungu akuteteesye.”

Ahimiilila kwisinda kwa Yeesu, papiipi ni vinama vwakwe. Ahanda kukuuta, na mansozi gaakwe gahazwilaga pa vinama ivwa Yeesu. Pe ahavha akumusyumula ni nsisi zyakwe uku akumufipa mu vinama vwakwe, nu kuvipahazya amafuta igo ge gakununshila.

Mbwenyi kuuti ntahondeeye poosye nu kwinza ku kwaho. Ileelo yanga lye lizwi vhweleele, umuvhomvi waane kwe apone. Nkuyanga vhwevhulo, mwe pe niine vhweleele indi pansi pa vhapiti vhaane, havhili indi na vhasikaali vhe vhali pansi yaane. Inga namuvhuuzya wumo nati, ‘Usogole ukutunga,’ naluvhiilo akusogola. Inga namuvhuuzya uwamwavho nati, ‘Luvhiilo!’ Woope akwinza. Woope umuzya waane, inga namuvhuuzya nati, ‘Vhomba uti,’ akuvhomba vhwevhulo.” Lwe uYeesu ayiivwa izyo, ahasukumila nkaani. Ahagalunkana aheenya ivhungaana ilya vhantu vhonti vhe vhahamulandataga, ahavhavhuuzya ahati, “Nkuvhavhuuzya kuuti, poosye mu Vhaisilayeeli vhonti, ntamuvhwenyi umuntu we ali nu lwitiho ulupiti inza ulu!”

Ahavhaliilizyo hanaaho, uYeesu ahavhaponiaga avhantu avhinji amavhinu gaavho, ahavhaponiaga avha ntamwo na vha mpepo imbiivhi. Havhili ahavhaponiaga avhantonko avhinji. Pe uYeesu ahavhaamula ahati, “Sogooli mumuvhuuzye uYoohani zyonti zye mukuzilola, nu kuzyivwa. Avhantonko vhakulola havhili, na vhantendya vhakujenda na vha mambombo vhakuzelupa. Havhili vhoope avhakuutwi vhakwivwa, na vhafwe vhakuzyuha na vhapiina vhakulumbiililwa Izwi iLyinza.