Popular Bible Verses from uYoohani 19

Share

Lwe uYeesu alinga idivaayi iyo, ahayanga ahati, “Imbombo yaane yaasila!” Pe ahinamiha itwe lyakwe, ahafwa.

Lwe uYeesu aamanya kuuti aamala kuyivhomba imbombo yaakwe, ahati, “Ishinyooto shanduma.” Áyanzile vhwevhulo, inga zilunjishe zye zisimviilwe mu Vhusimbe uVhufinjile.

Lwe uYeesu amulola unyina, nu musundikwa we uYeesu ámukunzite nkaani woope ayimiliiye papiipi nu nyina, ahati, “We maayi, mwenye uno. Umuvhiishe kuvha mwana waaho.” Havhili ahamuvhuuzya umusundikwa uyo ahati, “Mwenye uno. Umuvhiishe kuvha wu maayi waaho.” Pe kufuma ahavhaliilizyo hanaaho umusundikwa uyo ahamuvhiiha kuvha wu nyina waakwe, ahasogola kutendama ku kwakwe.

Ileelo lwe vhasogola kwa Yeesu, vhahaaga afuuye, pe vhatahamuvunza ivinama vwakwe. Ileelo umusikaali wumo ahamulasa uYeesu ni mpalala pa luvhazu. Pe amavhanda na minzi vihafuma.

Izyo zyávhombesile, inga zilunjishe zye zisimviilwe mu Vhusimbe uVhufinjile kuuti, “Ifupa lyakwe inga lyoka te lihavunzishe.” Havhili uVhusimbe uVhufinjile vhukuti, “Vhalimulola we vhámulasile.”

Lwe avhasikaali vhakumunyatula, uYeesu ávhusiizye ishihovhenkanyo shaakwe, nu kufuma mu nkaaya. Ásogooye nasho pamo pe mu njango iya Shiyalaamu vhahatinji pa Goligoota, kwe kuuti Ipangaawe ilya Itwe.

Avhasikaali vhahatavha ishipambwi isha mimvwa nu kumuzwalizya kwi itwe. Havhili vhahamuzwalizya inkanzu iya muhoola uwa mafwomfwo, ngati wu mwene.