Ileelo uPeeteli ahamuvhuuzya ahati, “Ananiya! Shooni she waaleha uSeetano ayinjila mu mwoyo waaho? Wafishila kumulumila ilenga uMupepo uMufinjile, wazyiha impiiya zimo zye uposheleeye mu mugunda waaho. Lwe ushiili kukazya, waamile mugunda waaho! Poosye lwe waakazya, waamile nu vhwamuzi kuvhombela impiiya izyo zye uposheleeye vwe ukwanza weneewe! Shooni she uhasiivha nu kuvhomba ilyo mu mwoyo waaho? Utamulumiiye ilenga muntu, umulumiiye wu Mulungu!”
UAnaniya lwe ayiivwa amazwi igo, ahagwa pansi, ahafwa. Avhantu vhonti vhe vhívuuye inongwa izyo, vhahoogopa nkaani.