Popular Bible Verses from iMbombo izya Vhatumwa 2

Share

UPeeteli ahavhaamula ahati, “Mwenti mupindushe nu kwozelwa kwi izina ilya Yeesu Chilisiti, inga muswilwe uvhutalamalandu vhwinyu nu kuposheela ishikunjilwa, kwe kuuti uMupepo uMufinjile.

Avhatumwa avha Yeesu vhahasambilizyaga izwi ilya Mulungu ku vhaala vhe vhámwitisile. Vhonti vháamile nu vhuliilani, vhahamensulanaga ikaati nu kulya pooka, nu kumulaavha uMulungu pooka.

Avhantu vhonti vhahiizula uMupepo uMufinjile, vhahataliha kuyanga ku njango izinji, inza vwe uMupepo uMufinjile ávhaloosite.

Naluvhiilo izwi lihivwiha kufuma ku mwanya. Izwi ilyo lyáli ngati nkungu impiti ye yikuvugula, lihiizula mu nyumba yonti mwe vhátendiime. Vhahalola ivintu vwe vili ngati mwoto we wukulilimuha, vihatapunkana nu kumugwila wooka wooka. Avhantu vhonti vhahiizula uMupepo uMufinjile, vhahataliha kuyanga ku njango izinji, inza vwe uMupepo uMufinjile ávhaloosite.

Vhahavhungaanaga pa Nyumba iMfinjile insiku zyonti. Havhili vhahavhungaanaga mu nyumba zyavho kumensulana ikaati nu kulya ishaakulya shaavho pooka ku mwoyo umwinza nu luseshelo. Vhahamutiimaga uMulungu, nu kuvhahondezya avhantu vhonti. Insiku zyonti, uMwene uYeesu ahonjezyaga avhantu avhanji vhe vhahapokwaga.

‘Ku manda aga kumpeleela, ndiivhapa avhantu vhonti uMupepo waane ku vhwinji. Avhaana vhiinyu avhanaavuli na vhalindu vhalikuvhwaga uvhukuvhwi, avhaana vhiinyu avhajaaha vhalilolaga injozi izya pa minso amazelu, vhoope avhasongo vhalilootaga injozi.

Avhantu vhe vhámwitisile uYeesu, vhonti vháamile pooka, havhili ivintu vwavho vhahagavhanaga vhonti. Vhahakazyaga ivintu vwavho ni mpiiya zye vhaposheela, vhahazigavhanyaaga kulandatana na vwe vhásovheliilwe.

Ahavhaliilizyo iho, umuntu wonti we alivhilishila kumulaavha uMwene, aliipokwa.’”

Izuvha liligalunkana kuvha shiisi, nu mwezi wuliivha mushemamu inza amavhanda. Zyonti izyo zililoleha, lwe uvhushindamu uvhwa Mwene vhushiili kuloleha pi isiku liila ipiti ilya kwinza kwakwe.