Popular Bible Verses from Yahiya 19

Share

Lay jaꞌ siꞌ ya nassop, yuk na, “Lupus na.” Pag-anu, ilooy ma lay na palonyok kōk na sampay lay na ya makkat.

Na si Isa siꞌ tu, katoonan na lupus na mimon pabuwatan ma bay sinukuꞌ niiya. Pag-anu yuk na, “Tohoꞌ la kallong ku.” Pag takale meꞌ siga sundalu halling na, lay sila ngingkotan sammek ni tōng kayu-kayu boꞌ tinalloban pa jawom pangannaan pannoꞌ leꞌ tubaꞌ anggul bahal. Pag-anu, boꞌ inangkat pa behe si Isa. Dari sabap meꞌ looy, lay na binakbul tunaꞌ njawom kitab pasal tubaꞌ anggul bahal ndean iya taabut na katohoan kallong.

Maka luu du ndooy nangge ni bihing nneꞌ si Isa mulit na ma kaasean na. Pag ndaꞌ si Isa meꞌ looy, yuk na, “Inaa na Neꞌ anak nu.” Maka yuk na ni mulit na, “Kau pun Nges, inaa na du nneꞌ nu.” Dari labba mandooy na siꞌ, lay na binoo nneꞌ si Isa meꞌ mulit na ilooy siꞌ pa lumaꞌ na sampay ndooy na ya tamban.

Sugaꞌ pag song da pa mman si Isa, pag ndaꞌ da, ndang lay na matoy. Dari yaꞌ na sila bay mōng towang buwaꞌ battis na. Sugaꞌ kuwan disu sundalu ndooy, lay gi nugsuk saddi si Isa ka budjak sampay magti pōꞌ lahaꞌ haboyan boheꞌ.

Na sabapan bay kahalan si Isa meꞌ looy siꞌ, lay na binakbul tunaꞌ njawom kitab, ilooy ma yuk na, “Yaꞌ luu pōng san disu towang na.” Maka luu gi disu tunaꞌ njawom kitab lay na du binakbul, ilooy ma yuk na, “Paimanan da sina mintu jama looy ma bay binudjak meꞌ da.”

Lān da lakka, lay gi nohoꞌ pinanangkit ni si Isa tehang halliꞌ man na llansang. Pag-anu siꞌ, lay na sila pōꞌ man daira song pa buntuꞌ ma inawnan Lugar Baung Kōk, bong ni pallun Hibrani, Golgota.

Pag lupus, bbuwatan siga sundalu looy siꞌ, lay ngalubid bahan itingan pinabuwat meꞌ hantangan karuna, boꞌ pinapatuk taꞌ kōk si Isa. Maka lay gi ya papatukan da juba tawuk bahasa juba sultan.