Popular Bible Verses from Panagnaan 26

Share

Batnaa, ntuu na jaꞌ doꞌ ko maglahat. Unungan ta du sina ko maka supaatan ta sa ko. Dean ku sa kau sampay ga panubuꞌ nu lahat tuu labbasakayi. Batan bay janjiꞌ ku ma bay sapahan ku ni mmaꞌ nu labuꞌ pa kau na sina.

Buwanan ta sa ko panubuꞌ meꞌ eka potean taꞌ langit. Maka dean ku sa sila mimon paglahat tuu. Bbos-bbos ina mimon kabangsa-bangsahan sinupaatan man sabapan panubuꞌ nu. Supaatan ta ko meꞌ looy sabap mmaꞌ nu lay jaꞌ mmeꞌ ni kahandak ku sampay ngasip ni mimon panohoan ku ka saraꞌ ku.”

Pag-anu siꞌ, lay na baw ga si Isahak pasihaꞌ-sihaꞌ mandooy boꞌ da ngali na baw sarī. Ndooy siꞌ, bohoꞌ yaꞌ na luu nasaan sila. Dari lay na awnan si Isahak tagaꞌ looy Rehobot, hatiyan na, “lugar haluhaya,” maka yuk na, “Batnaa, bohoꞌ tabi lay na kabuwanan lugar haluhaya leꞌ Tuhan. Luu na situ dapat man tabi magkamadjuwan ni lahat tuu.”

Ndooy siꞌ, lay si Isahak tinammuhan meꞌ Tuhan, yuk na, “Daa na ko pawus pa Ejip. Nnoy-nnoy man nu sohoꞌ ku, nnaa na jaꞌ ko maglahat.

Dari ilooy ma lay si Isahak nambak batu binuwat pangulbanan ndooy, boꞌ na numba Tuhan. Maka ndooy na du man ga si Isahak bay matangge siga lumaꞌ luna da. Sampay ndooy na du man siga tindog na bay ngali tagaꞌ bahau.