Popular Bible Verses from लूका 3

Share

अणीऊँ पेल्याँ जद्याँ हाराई मनक यहुन्नाऊँ बतिस्मा लेरिया हा। तद्याँ ईसू भी बतिस्मो लिदो। जद्याँ ईसू परातना कररिया हा, तद्याँ आकास खुलग्यो। अन पुवितर आत्मा परेवड़ा का जस्यान रूप में आन वाँका ऊपरे उतरी। अन आकासवाणी वींके, “थूँ मारो लाड़लो पूत हे, मूँ थाँराऊँ घणो राजी हूँ।”

यहुन्ने वणाऊँ क्यो, “मूँ तो थाँने पाणीऊँ बतिस्मा देरियो हूँ। पण, ज्यो आबावाळो हे, वो माराऊँ घणो ज्योरावर हे। मूँ वींके अतरोक लायक भी ने हूँ के, वींकी पंगरख्या ने खोल सकूँ। वी पुवितर आत्मा अन वादीऊँ थाँने बतिस्मो देई।

थाँको वेवार अस्यो वेणो छावे के, थाँ मन फेर लिदो हे। थाँ आपणाँ-आपणाँ मना में यो मती होचो के, ‘आपीं अबराम का बंस का हा।’ मूँ थाँकाऊँ केऊँ हूँ के, परमेसर अणा भाटाऊँ अबराम का वाते ओलाद जण सके हे।

अबे रूँकड़ा की जड़ा काटबा का वाते कराड़ो मेल्यो ग्यो हे। जीं रूँकड़ा हव फळ ने देई वाँने काट्या जाई अन वादी में नाक दिदो जाई।”

जस्यान के, परमेसर का आड़ीऊँ बोलबावाळा यसाया की किताब में लिक्यो हे के, “हुन्ना काँकड़ में एक बोलबावाळा को हाको हुणारियो हो के, ‘परबू को गेलो त्यार करो अन वींकी हड़क हुदी करो हरेक घाट्याँ ने भर दिदी जाई अन हाराई मंगरा-मंगरिया ने हिदा कर दिदा जाई। जीं वाँका हे, वी हूँदा अन ज्यो उबड़-खाबड़ हे, वीं हम्मा किदा जाई। अन हाराई मनक परमेसर की मुगती ने देकी।’”