Popular Bible Verses from यहुन्ना 14

Share

“मूँ थाँने सान्ती देन जारियो हूँ, आपणी खुद की सान्ती थाँने देवूँ हूँ। दनियाँ देवे हे वस्यान मूँ थाँने ने देवूँ हूँ। थाँको मन दकी ने वेवे अन ने थाँ दरपे।

ईसू वींने क्यो, “हाँच, जीवन अन गेलो मूँईस हूँ। मारा बना कुई परमेसर का नके ने जा सकी।

ईसू आपणाँ चेलाऊँ क्यो, “थाँ दकी मती वेवो, पण परमेसर पे विस्वास राको अन मारा पे भी विस्वास राको।

पण हण्डाळी को मतलब पुवितर आत्मा जिंने परमेसर मारा नामऊँ खन्दाई, वाँ थाँने हारी बाताँ हिकाई अन ज्यो कई में थाँकाऊँ क्यो हे, वो हारोई थाँने आद अवाड़ी।

जीं मारी आग्या माने हे। वींइस माराऊँ परेम करे हे अन ज्यो माराऊँ परेम राके हे, वाँकाऊँ मारा परमेसर परेम राकी, अन मूँ वाँकाऊँ परेम राकूँ अन आपणाँ खुद ने वाँका पे परगट करूँ।”

मूँ बापऊँ परातना करूँ, अन वीं थाँने एक ओरू हण्डाळ्यो देवे, ताँके वो हमेस्या थाकी लारे रेई। वाँ पुवितर आत्मा हे। ज्या दनियाने ने मल सके हे, काँके दनियाँ वींने ने देक सके हे अन ने ओळके हे। पण थाँ वींने ओळको हो, काँके वाँ थाँका लारी रेई अन वाँ थाँकामें वास करी।”

ज्यो कई थाँ मारा नामऊँ मांगो, वो मूँ करूँ, ताँके पूत की वजेऊँ परमेसर की बड़ई वेवे। यद्याँ थाँ माराऊँ मारा नामऊँ कई मांगो, तो मूँ वो करूँ।”

ईसू आपणाँ चेलाऊँ क्यो, “यद्याँ थाँकाणी माराऊँ परेम राको तो, तो मारी आग्या भी मानो।

मारा परमेसर का घर में नरी रेवा की जगाँ हे, यद्याँ ने वेती तो मूँ थाँकाऊँ के देतो। काँके मूँ परमेसर का घर में थाँका वाते जगाँ त्यार करबा ने जावूँ हूँ।

जगाँ बणाया केड़े मूँ पाछो थाँने लेबा ने आऊँ अन पछे आपाँ हातेईस रेवा।

तो थोमा वाँकाऊँ क्यो, “हो परबू, माँ ने जाणा हाँ के, थूँ कटे जारियो हे। तो गेलो कस्यान जाणा?”