Popular Bible Verses from Matthew 9

Share

Pun ḵanana'tta disipulunae nangipani, “Aduadu maani yaḵon aḵit da an-ani. Pun iluwaḻuyu ḵan Apudyus we sinḵuwa'tta maani ta angibuun aḵ aduadu'ḵ umoy an-ani.”

Te adiyaḵpun ummali ta ayagaḵ da naun-unane tagu yaḵon ummaliyaḵ ta ayagaḵ da ḵabasbassuḻan ta ambabawida'tta basuḻda ta ansinagungda ḵan Apudyus. Pun inḵayu adaḻon nigili ye Ugud Apudyus we ḵanana, ‘Ḵan saḵon, napatpatog ḵumadagu ḵayu'tta asintataguyu nu sa angidatun ḵayu'ḵ ayam ya da udume datun ḵan saḵon.’ ”

Innilan ḵad Jesus da amode tagu, ḵinadaguwana dida te ampaḵaḻamda ya naippun ampabadangandae isudan karnero we ippun anangḵon ḵan dida.

Yaḵon dingngoḻ ḵad ay Jesus da inimusda, ḵananae nangipani, “Da anḵosdoḻ, adidapun ḵasapuḻan an-aagas. Yaḵon da masaḵit, ḵasapuḻanda.

Ginaḵagaḵay Jesus da losane siyudad ḵan losane ili. Nantuttudu'tta sinagogada ya iwwaḻagawagna Ambaḻu we Damag mipanggob si ampangatan Apudyus ḵan ḵinaanna bos da losane kalasin di saḵit ya da ampaḵaḻaman da tagu.