Popular Bible Verses from Matthew 6

Share

Yaḵon umunae ipatpatogyu ampangatan Apudyus ya unudonyu maun-unane antatagu we piniona woḵ ittona da ḵasapuḻanyu.

Pun adi ḵayu bos ambinsaw atta ampaḵaḻamane dumatong appigat. Te sa umali ye aḻgaw, awad de ḵuwanae binimbinsaw. Sa binimbinsaw atte osae aḻgaw lamog ni sanate aḻgaw, pun adi taḵu amo dog-an.”

Pinagatupan Jesus woḵ ḵanana, “Pun sa ibagaḵ ḵan diḵayu, adi ḵayu ambinsaw mipanggob atta biyagyu, da ḵanonyu, baḵon nu da inumonyu, baḵon nu sa mipanggob atta long-agyu ya da ansilupyu. Te napatpatog biyagyu nu sa maḵan ya napatpatog da long-agyu nu da silup.

Yaḵon nu alluwaḻu ḵayu, lumnoḵ ḵayu si kuwartuyu ya iyyonobyu sawang ḵad alluwaḻu ḵayu ḵan Ama we adipun maila. Ḵad ḵan siyae angitotollong si milammonge ḵoonyu, gungunaana diḵayu.

Ḵaḵna inonyu we alluwaḻu. “ ‘Amani ye awad ad langit, madayawḵa oḵyane nasantuwane Apudyus. Dumatong oḵyan ampangatam sina'd luta, ta mituttuwa da piniom sina'd lutae ḵama'd langit.

Ittom ud maḵane ḵasapuḻanni si inaḻgaw.

Ḵad pakawanom da basuḻni te pinakawanni bos da naḵabasuḻ ḵan diḵani.

Ḵad adim iyunude masulisug ḵani, yaḵon iligsim diḵani si lawweng.’ ”

Pun ḵanan Jesus, “Nu pakawanonyu da naḵabasuḻ ḵan diḵayu, pakawanon os diḵayu ḵan Amayu'd langit.

Ilanyu ḵad da sissiwite antattayap: Adidapun ammuḻa baḵon nu an-ani ḵan amompon aḵ maḵan atta aḻang yaḵon paḵanan Amayu'd langit dida. Maguḻa ḵayu mane napatpatog nu da sissiwit!

Pinagatupan Jesus woḵ ḵanana, “Adiḵa anonson aḵ binaḵnangnu si annae luta te allasu we dadailon da laḵoy ya sa lati, ḵad lonḵon os da aḵḵawan ya innaḻada dida. Yaḵon sa ḵoonyu oḵyan, ḵoonyu mas-oman Apudyus ya gapu'tte sana anonson ḵayu'ḵ gungunayu we maḻpu ḵan Apudyus ad langite naippun laḵoy ḵan lati'ḵ anadail ya naippun maḵaḻnoḵ aḵ umoy an-aḵaw. Te sa igaw da binaḵnangyu, sadi bos igaw ni somsomoḵyu.”

Pinagatupan Jesus woḵ ḵanana, “Adipun maḵwa'tte sammilu anserbi'tta duwae apu te aaddi ye ay-ayatona osa ya an-awidana osa. Ḵad ipapatinae anserbi si osa ya am-amsewona osa. Ḵad nu ḵatti, adipun maḵwae tuttuwae anserbiḵa ḵan Apudyus nu siya igaw ni somsomoḵnu gamgamam adu we binaḵnang.”

Pun nu ḵaḵnat itton Apudyus we binaḻun da lumune matagu sinsadi ya appigat miballuda si apuy, aaddi ye ittona bos da silupe ḵasapuḻanyu. Diḵayu ḵad, ngaipa aḵit pammatiyu?

Nu awad ibadangnu'ḵ ittom si anḵasapuḻe tagu, iyaggaḵawnu we angitod ta adi maigammu taḵon ay ḵaadaniyane buḻbuḻunnu. Ḵad aḵ Ama taḵu we nangitotollong si ḵingwame mitataḻu gungunaana siḵa.”

Pinagatupan Jesus we nantuttudu woḵ ḵanana, “Ilanyu ta adiyu gagaḻ-on ipappaila'tta tagu we naun-unan ḵayu te nu siya ḵoonyu, ippun gungunayu ḵan Amayu'd langit.

Pun pinagatupan Jesus woḵ ḵanana, “Ḵad nu allaun ḵayu, adiyu ipailae andadauy ḵayu we isun da ḵapappaila. Te ipailadae andadauyda ta ipailada'tta tagu we nallaunda. Ibagaḵ ḵan diḵayu ḵatuttuwaan, nagagangpute inawatda gungunada. Yaḵon nu allaun ḵayu, andaḻ-up ḵayu ya lanaanyu da buuḵyu ya nanagaysay ḵayu ta ippun angigammu we allaun ḵayu, abus aḵ Amayu we adipun maila. Te siyae angitotollong si milammonge ḵoonyu, gungunaana diḵayu.”