Popular Bible Verses from Luke 14

Share

“Ngaimane maḻyade mitun-ud ḵan saḵon, ḵasapuḻane daḵdaḵoḻ ayatna ḵan saḵon nu sa ayatna'tta amana ḵan inana, sa asawana ya da abengna, da sunudna ya taḵon ay mismu we long-agna te nu adina ḵoon ḵaḵna, adipun maḵwae ambalin aḵ disipuluḵ.

Ḵad ngaimane adinapun bubuḵḵudon de krosna ya maḵasaganae ampaḵaḻam ḵan matoy ta mitun-ud ḵan saḵon, adipun mibelang aḵ disipuluḵ.

Te ngaimane angipangatu si long-agna, mipababa. Ḵad ngaimane angipakumbaba si long-agna, mipangatu.”

Pun ḵaḵnat os ḵan diḵayu nu pionyu we ambalin aḵ disipuluḵ, ḵasapuḻane tenanyu da losane awad ḵan diḵayu.”

“Pun ḵasapuḻane sosomḵonyu we umuna ampaḵaḻaman ni ambalin aḵ disipuluḵ. Awatna, nu awad osa ḵan diḵayu'ḵ antaḵad aḵ daḵoḻe boḻoy, ḵasapuḻane unaona pattapattaon nu lamogna pilaḵna gastuwon si inggana'ḵ magangput. Te nu adina unaon pattapattaon ya adimpun ni pilaḵna lamog, ampatingga si abuse mataḵad aliḵina ya adipun maḵapagatup. Ḵad em-emeson da losane angila ḵan siya. Ḵananda, ‘Ilanyu ḵad sanae tagu, abus sinaḻdana ya adinapun lamog igangput.’

Yaḵon sa ḵoom ḵad oḵyan, ayagam da ḵamḵama, da naparalaes, da napilay ya da naḵuḻap. Ḵad pianḵa te taḵon ay nu adida maḵasubbat ḵan siḵa, awatom gunguna te aḵ Apudyus we mismu asi anubbat atte aḻgawe umuli da naun-unane tagu.”

Pune sadi, inug-uggud Jesus ḵan dida pani woḵ ḵanana, “Ambaḻu asin yaḵon nu ippun ogon tamtamna, ngai inonae mipauli tamtamna ḵasin? Ḵad naippun paat ogon ḵaaḻ-ana taḵon ay atte luta baḵon nu an-abunu ḵad miballu. Diḵayu we andodongngoḻ, sosomḵonyu da dingngoḻyu.”