Popular Bible Verses from Luke 10

Share

Innatodḵu ḵan diḵayu ḵabooḻan ta oḻgonyu'ḵ Satan. Taḵon ay ngai ḵoonae amadas si ḵabooḻana, adiḵayupun paat madiwdiwat. On, taḵon ay gusdanyu da uḻog ya da gayyaman!

Ḵanan Apu, “Martha, Martha, adu bos ay da ambinsawam. Taḵon ay nu ḵatti, os-ossaan ḵasasappuḻan. Siya annate pinilin Mary, sa ḵapatogane ippun paat maḵaaḻa.”

Ḵanana, “Nigili'tte Ugud Apudyus, ‘Ḵasapuḻane ayatom aḵ Apu we Apudyusnu atte amine pusum ya amine ḵalidodwam ya amine ḵinosdoḻnu ya amine somsomoḵnu.’ Nigili bose, ‘Ḵasapuḻane ayatom da asintatagume isun ni an-aayatnu si long-agnu.’ ”

Ḵanan Jesus we nangipani, “Amoamod da maani yaḵon aḵit da an-ani. Pun iluwaḻuyu ḵan Apudyus we sinḵuwa'tta maani ta angibuun aḵ amoamod aḵ umoy an-ani.”

Pun ḵanan Jesus, “Atte ḵasomsomḵam, ngai'tta sadi ye tuḻu tuttuwae asintatagun ni napang-oḵ?” Ḵanana, “Sa ḵummadagu ḵan siya.” Ḵanan Jesus, “Inḵan ya ḵoom os ḵaḵna.”

Pun ḵanana, “Inḵayu! Sosomḵonyu anna. Ibuunḵu diḵayu'tta lawweng ya ampaḵimute tagu ḵad isuyun karnero we umoy atte lugar we igaw da tanane asu.