Popular Bible Verses from John 14

Share

“Tenaḵ ḵan diḵayu lin-awa ya sa lin-awaḵ ittoḵ ḵan diḵayu. Daḵampun aḵ isun ni an-aatod da tagu we adipun amati an-aatodḵu ḵan diḵayu. Ḵad adi ḵayu maal-alimuunan ya maḵimut.

Ḵanan Jesus, “Saḵon daḻan, ḵatuttuwaan ḵan biyag. Naippun maḵaoy ḵan Amaḵ nu adi angoy ḵan saḵon.

Ḵanan Jesus atta disipuluna, “Adi ḵayu ambimbinsaw, amati ḵayu ḵan Apudyus ya amati ḵayu bos ḵan saḵon.

Yaḵon sa bumadange ibuun Amaḵ, siya Ispiritu Santu we angiyugud ḵan saḵon. Ituttuduna ḵan diḵayu da losan ya paiḵagasmoḵna ḵan diḵayu da losane imbagaḵ.

Ngaimane amopotpot ḵan anuttuwa'tta bilinḵu, siya angayat ḵan saḵon. Ḵad sa angayat ḵan saḵon, ayaton Amaḵ ya ayatoḵ os ya ipaigammuḵ ḵan siya mipanggob ḵan saḵon.”

Ḵad ḵodawoḵ ḵan Amaḵ ta angibuun aḵ Bumadang ḵan diḵayu. Siya Ispiritu Santu we inggaw ḵan diḵayu'ḵ inggana. Siya Ispiritu Santu we angituttudu ḵan diḵayu si ḵatuttuwaan mipanggob ḵan Apudyus. Da tagu we adipun amati ḵan saḵon, adidapun awaton te adidapun igammu ya immatunan. Yaḵon ḵan diḵayu, igammuyu te awad ḵan diḵayu ya iinggaw ḵan diḵayu.

Ḵad ngaimane ḵodawonyu mipagapu'tte ḵaḻabbongaḵ, ḵooḵ ta midayaw Ama mipagapu'tte Abeng. Nu ḵodawonyu da ngaimane mipagapu'tte ḵaḻabbongaḵ, ḵooḵ.”

Pinagatupan Jesus woḵ ḵanana'tta disipuluna, “Nu ayatonyu saḵon, tuttuwaonyu da bilinḵu.

Aduadu maigawan atte boḻoy Amaḵ. Ḵad iyyaḵ isagana da inggawanyu. Ḵad nu daḵampun aḵ tuttuwa, ibagaḵ ḵamman ḵan diḵayu we iyyaḵ angisagana'ḵ inggawanyu?

Ḵad nu iyyaḵ isagana inggawanyu, mipauliyaḵ ḵasin ta aḻaḵ diḵayu ta sa igawḵu siya bos inggawanyu.

Ḵanan Thomas, “Apu, naippun igammuni nu dinu ayam. Ḵad ngai inonni ye angigammu'tte daḻan?”