Popular Bible Verses from مرقس 6

Share

أَطَّاس ن يِوْذَان تَاسن-د تْرَاحن. عِيْسَى ذ يمحْضَارن نّس وَار ؤُفِين ڒْوقْث وَاخَّا اَذ شّن. خ مَانَايَا ينَّا-ٱسن: "أَرَاحم-د وَاحذْوم غَار يجّن ن ومْشَان يخْڒَا اَذ تْريّْحم شْوَايت."

ينَّا-ٱسن عِيْسَى: "نَّبي محْتَارم مَانِي مَا، وَلَكِن ذݣ وبِيلَاج نّس ذ ڒحْبَاب نّس ذ ثدَّارث نّس لَّا!"

وَامِي د يضْرَا عِيْسَى زِي ثْغَرَّابُوت يُوْفَا ذِنِّي ڒْغَاشِي نِّي، قّْسن-اَس مِينْزِي ݣِّين اَمشْنَاو يحُورِّيْين وَار غَارْسن شَا ؤُو ثن غَا يَروْسن. ئِبْذَا يسڒْمَاذ-اَسن اَطَّاس ن ثْمسْڒَايِين.

وَار يزمَّر شَا اَذ يݣّ ذِنِّي لْمُعْجِيزَا، غِير يحَاذَا ذْرُوْس ن يمهْڒَاش س يفَاسّن نّس يسْݣنْفَا-ثن. يتْعجّب ڒَاحقَّاش لإِيمَان نْسن ذ وقْلِيل. سّنِّي يݣُّوْر يسڒْمَاذ زِي دْشَار غَار دْشَار إِي ث يُوْذْسن ذِنِّي.

ئِيْسِي خمْسَا نِّي ن ثْخبَّازِين ذ ثْنَاين نِّي ن يسڒْمَان ييْسِي ثِيطَّاوِين نّس غَار وجنَّا أُوشَا يشكَّر أَربِّـي. يرْزَا اَغْرُوْم نِّي يُوْشَا-اَسن-ث إِ يمحْضَارن نّس اَك ثْنَاين ن يسڒْمَان نِّي حمَا اَثن فرْقن خ يِوْذَان نِّي مَارَّا. شِّين جِّيوْنن مَارَّا. ڒخْدّنِّي يْسِين ثنْعَاش ن ثقْرَابِين عمَّرنْت س وغْرُوْم يشطّن اَك يسڒْمَان.