Popular Bible Verses from مرقس 2

Share

ئِسْڒَا-يَاسن عِيْسَى ينَّا-ٱسن: "ئِوْذَان يصحَّان وَار تحْذِيجِين بُو وضْبِيب، أَضْبِيب تحْذَاجَان-ث يمهْڒَاش." ينَّا-ٱسن: "نش وَار د ؤُسِيغ شَا اَذ ڒَاغِيغ إِ يِنِّي يدْجَان نِيشَان، ؤُسِيغ-د غَار يِنِّي يعصَّان."

وَامِي يࢲْرَا عِيْسَى لْإِيمَان نْسن، ينَّا-ٱس إِ ونشْرُوْف نّي: "آ مِّي تْوَاغْفَرنْت-اَش ڒْمُعْصِيَاث نّش."

أُوْشَا ينَّا-ٱسن: "نْهَار ن سّبْث ن لْعِبَدَا يتْوَاخْڒق إِ سَّبَاب ن بْنَاذم، مَاشِي ذ بْنَاذم يتْوَاخڒْقن إِ سَّبَاب ن نْهَار ن سّبْث ن لْعِبَدَا.

وَار زمِّيرن شَا اَث سِيذْفن غَار عِيْسَى مِينْزِي ذِنِّي اَطَّاس ن ڒْغَاشِي. قڒْعن سّْقف شْوَايْت رزْمن-ث، سهْوَان اَنشْرُوف نِّي خ ثَاسُّوْث نّس غَار وخَّام مَانِي يدْجَا عِيْسَى.

نش خْسغ اَذ تسّْنم بلِّي مِّيس ن بْنَاذم غَارس سُّلْطَا خ ثْمُوْرْث حمَا اَذ يغْفَر ڒْمُعْصِيَاث." أُوْشَا ينَّا-ٱس عِيْسَى إِ ونشْرُوْف نِّي: "أَذَاش ينِيغ، بدّ خ يضَارن نّش يْسِي ثَاسُّوْث نّش رُوْح اَذ تْروّْحذ غَار ثدَّارْث نّش!"

مِين يسهْڒن اَطَّاس اَذَاس ينِيغ إِ ونشْرُوْف-أَ، مَا ٱذَاس ينِيغ: تْوَاغْفَرنْت-اَش ڒْمُعْصِيَاث نّش؟ نِغ مَا ٱذَاس ينِيغ: كَّر شك، يْسِي ثَاسُّوْث نّش ؤُيُوْر؟

ڒخْدّنِّي يبدّ خ يضَارن نّس ييْسِي ثَاسُّوْث نّس يفّغ زَّاث إِ يِوْذَان مَارَّا. قِّيمن كُڒْشِي ذهّْشن حمّْذن أَربِّـي نَّان: "عمَّارْص مَا نࢲْرَا مَانَايَا يوْقع زِي قْبڒ."