Popular Bible Verses from متى 21

Share

ينَّا-ٱسن: مڒَا ثُوْمْنم، أَغَارْوم يِيڒِي مَارَّا مِين غَا ثتَّارم إِ أَربِّـي ذِي ثْࢲَادْجِيث نْوم."

ئِنْدق-د عِيْسَى ينَّا-ٱسن: "أَقَا تسْڒَام ڒْحَقّ: مْڒِي ذَايْوم لْإِيمَان وَار ثْشكِّيم شَا، أَتَاف اَذ تݣّم كْتَار زِي مِين يتْوَاݣّن إِ ثْشجَّارْث-أَ. مڒَا ثنِّيم إِ وذْرَار-أَ: نقْڒع-د شك سَّانِيتَا ثْمنْضَارذ ذِي ڒبْحَر، أَتَاف اَذ ينقْڒع.

يِنِّي يݣُّوْرن زَّاثس ذ يِنِّي إِي ث يذفَّارن قَّارن: "لْعَظَمَا إِ مِّيس ن أَيث-دَاود! سَّعْذ ن ونِّي إِي د يُوْسِين عْلَاحْسَاب يسم ن سِيذِي أَربِّـي. لْحَمْدُ إِ أَربِّـي يُوْعْڒَان."

ينَّا-ٱسن: "لْكِتَاب يقَّار: <ثَدَّارْث ينُو اَذ تِيڒِي ذ ثَدَّارْث ن ثْࢲَادْجِيث.> وَلَكِن كنِّيو ثَارِّيم-تث ذ يفْرِي ن يخوَّانن."

"إِيْنِيم-اَس إِ يدْجِيس ن لْقُدْس: خْزَر، أَزدْجِيذ نّمْ يُوْسَا-د غَارم، وَار ذَايس بُو تَّكبُّر. ئِنْيَا خ يِجّن ن ثغْيُوْڒْث، ذ وسْنُوْس مِّيس ن ثغْيُوْڒْث."

ينَّا-ٱسن عِيْسَى: "مَا عمَّارْص وَار ثغْرِيم مِين يُوْرِين ذِي لْكِتَاب؟ <أَزْرُو إِي عِيفّن يبنَّاين، يوْقع ذݣ ومْشَان اَصبْحَان ذِي ثْغمَّارْث ن دْسَاس. ذ سِيذِي أَربِّـي إِݣ يݣِّين مَانَايَا، ذ يجّن ن ڒْحَاجث ذ ثَمقّْرَانْت!>

س مَانَايَا قَّارغ-اَوم: ڒْمُلْك ن أَربِّـي اَذَاوم يتْوَاكّس اَذ يمُّوْش إِ يِجّن ن شَّعْب إݣ يتݣّن ڒْخِير.