Popular Bible Verses from يوحنا 21

Share

وَامِي ريّْقن، ينَّا-ٱس عِيْسَى إِ سِمْعَان بُطْرُس: "آ سِمْعَان آ مِّيس ن يُوْحَنَّا، مَا تْحِبِّيذ-اَيِي كْتَار زِي يِيْنَا؟" ينَّا-ٱس سِمْعَان بُطْرُس: "وَاه آ سِيذِي، شَك ثسّْنذ قَا نش تخْسغ-ش." ينَّا-ٱس عِيْسَى: "سشّ يزْمَارن ينُو." ينَّا-ٱس عِيْسَى وِيس مَرّْثَاين: "آ سِمْعَان آ مِّيس ن يُوْحَنَّا، مَا تْحِبِّيذ-اَيِي؟" ينَّا-ٱس سِمْعَان: "وَاه آ سِيذِي، شك ثسّْنذ قَا نش تخْسغ-ش." ينَّا-ٱس عِيْسَى: "ٱرْوس يحُوْڒِيْين ينُو." ينَّا-ٱس عِيْسَى وِيس ثڒْت مَرَّاث: "آ سِمْعَان آ مِّيس ن يُوْحَنَّا، مَا تخْسذ-اَيِي؟" ئِقّس-اَس ڒْحَاڒ إِ بُطْرُس ڒَاحقَّاش ينَّا-ٱس-ث وِيس ثڒْت مَرَّاث، شك مَا تخْسذ-اَيي؟ ينَّا-ٱس: "آ سِيذِي، شك ثسّْنذ كُڒْشي. ثسّْنذ قَا نش تخْسغ-ش." ينَّا-ٱس عِيْسَى: "سشّ يحُوْڒِيْين ينُو.

أَقَا تسْڒِيذ ڒْحَقّ: ذِي ثمْࢲِي نّش تْحزَّامذ يخف نّش تْرَاحذ مَانِي مَا ثخْسذ. وَلَكِن خْمِي غَا ثوْسَارذ، أَذ تْضڒْقذ يفَاسّن نّش اَتَاف حَدّ نّغْنِي اَش يحزّم اَش يَاوِي مَانِي وَار تخْسذ شَا."

ينَّا-ٱسن عِيْسَى: "سيّْبث ثْرَاشَّا خ وفُوْسِي ن ثْغَارَّابُوت اَذ تَافم يسڒْمَان." وَامِي ت سيّْبن وَار زمَّرن اَتِيد جبْذن عْلَاحقَّاش ثْعمَّر س يسڒْمَان اَطَّاس.

ئِكَّر سِمْعَان بُطْرُس ينَّا-ٱسن نش اَذ رَاحغ اَذ يْمَارغ. نَّان-اَس اَكِش نْرَاح ؤُڒَا ذ نشِّين. فّْغن، نْيِين ذِي ثْغَارَّابُوت. ذِي دْجِيڒث نِّي وَار يْمَارن وَالُو.