Popular Bible Verses from يوحنا 15

Share

نش ذ ثْزَايَارْث وضِيڒ، كنِّيو ذ يكشُّوْضن. ونِّي يتْغِيمَان ذَايي أُو نش تْغِيمِيغ ذَايس، أَتَاف نتَّا اَذ يَارو يزكُّوْنن ن وضِيڒ اَطَّاس ڒَاحقَّاش كنِّيو بْڒَا زَّايي وَار ثْزمَّرم اَذ تݣّم وَالُو.

قِّيمث ذَايِي، نش اَذ قِّيمغ ذَايْوم. أَمشْنَاو اَكشُّوْض نِّي وَار يزمَّر اَذ يَارو يزكُّوْنن زݣ يِيخف نّس إِلَّا مڒَا يقِّيم ذِي ثْزَايَارْث، ؤُڒَا ذ كنِّيو وَار ثْزمَّرم شَا إِلَّا مڒَا ثقِّيمم ذَايِي.

مڒَا ثقِّيمم ذَايي ثݣِّيم زݣ وَاوَاڒ ينُو، أَتَاف مِين مَا ثتَّارم اَغَارْوم يِيڒِي.

مَاشِي ذ كنِّيو إِي ذَايي يخْضَرن؛ لَّا، ذ نش إِي كنِّيو يخْضَرن. كلّْفغ-كنِّيو حمَا اَذ تْرَاحم اَذ تَارْوم يزكُّوْنن، حمَا يزكُّوْنن نْوم اَذ قِّيمن إِ ڒبْدَا. أَمُّو، أَذَاوم يُوْش بَابَا مَارَّا مِين ذَاس غَا ثتَّارم عْلَاحْسَاب يسم ينُو.

وَار ذِنِّي بُو ڒمْحِبّث كْتَار زِي ثنِّي ن بْنَاذم اَذ يصدّق ثُوْذَارْث نّس عْلَاحْسَاب يمدُّوْكَاڒ نّس.

كُڒ اَكشُّوْض إِي د يفّْغن زَّايِي وَار يتِيرو شَا يزكُّوْنن ن وضِيڒ اَث يقسّ بَابَا. أُو كُڒ اَكشُّوْض إِݣ يتَارْون يزكُّوْنن ن وضِيڒ أَث يزْبَار حمَا اَذ د يَرْنِي يزكُّوْنن نّغْنِي.

ڒُوْصِيّث ينُو ذ ثَانِيتَا: <حِبّث اَيَاوْيَا مَامّش كنِّيو تْحِبِّيغ نش.>

أَذ تَارْوم يزكُّوْنن اَطَّاس، أَذ تِيڒِيم ذ يمحْضَارن ينُو. س مَانَايَا يتْوَاسمْغَار بَابَا.

"نش ذ ثْزَايَارْث وضِيڒ ذ صَّح. بَابَا ذ بَاب ن ثْزَايَارْث وضِيڒ.

مڒَا شَان يِجّن وَار يقِّيم شَا ذَايِي، أَتَاف اَذ يمنْضَار غَار بَرَّا اَمشْنَاو يكشُّوْضن يُوزْغن، أَثن سْمُوْنن اَثن ݣّن ذِي ثْمسِّي اَذ شمْضن.

نِّيغ-أَوم مَانَايَا حمَا اَذ تِيڒِي ذَايْوم ڒفْرَاحث ينُو، حمَا اَذ تِيڒِي ڒفْرَاحث نْوم ثْعمَّر.

مڒَا ثخدّْمم زِي ڒُوْصِيَاث ينُو، أَتَاف اَذ تِيڒِيم ذِي ڒمْحِبّث ينُو اَمشْنَاو مَامش ݣِّيغ نش زِي ڒُوْصِيَاث ن بَابَا اَقَايِي ذِي ڒمْحِبّث نّس.

ذ ثَا ذ ڒُوْصِيّث ينُو، يعْنِي اَذ تْحِبّم اَيَاوْيَا.

مَعْلِيك كنِّيو زِي دُّنشْت-أَ، إِڒِي كنِّيو ثْعِيزّم خ دُّنشْت-أَ. وَلَكِن كنِّيو وَار ثدْجِيم شَا زِي دُّنشْت. نش يخْضَرغ-كنِّيو زِي دُّنشْت-أَ، س مَانَاينِّي تْعِيفَّا-كنِّيو دُّنشْت.