Popular Bible Verses from يوحنا 13

Share

ڒخُّو تِيشّغ-اَوم يجّن ن ڒُوْصِيّث ذ جْذِيذ: حِبّث اَيَاوْيَا. أُو حِبّث اَيَاوْيَا مَامّش كنِّيو حِبّغ نش. مڒَا كنِّيو تْحِبِّيم اَيَاوْيَا، أَتَاف اَذ سّْنن مَارَّا قَا كنِّيو ذ يمحْضَارن ينُو."

مڒَا نش إِݣ يدْجَان ذ سِيذِيثْوم أُو ذ لْمُعَلِّم نْوم سِيرْذغ-اَوم يضَارن نْوم، ئِتْخصَّا ؤُڒَا ذ كنِّيو اَذ تْسِيرْذم يضَارن إِ وَايَاوْيَا. ݣِّيغ-اَوم اَمُّو حمَا اَذ تݣّم مِين ݣِّيغ نش.

ينَّا-ٱس عِيْسَى: "شك ڒخُّو وَار ثفْهِيمذ شَا مِين خدّْمغ، زِي سَّا اَڒ ثْسَاونْت عَاذ اَذ تْفهْمذ مَانَايَا."

أَقَا تسْڒَام ڒْحَقّ: أَخدَّام وَار يدْجِي شَا ذ اَمقّْرَان زݣ ؤُوقَّاف نّس. أَمْسخَّار وَار يدْجِي شَا ذ اَمقّْرَان زݣ ونِّي إِي ثِيذ يسّكّن.

ڒخُّو ثسّْنم مَانَايَا، سَّعْذ نْوم مڒَا ثݣِّيم مِين ذَاوم نِّيغ.

ئِكَّر خ ومنْسِي يكّس تْشَامِّير نّس، ييْسِي يجّن ن ومنْدِيڒ يصَّار يخف نّس. ئِفَرّغ-د اَمَان ذِي ثْبقِّيث يبْذَا يسِيرِيذ يضَارن ن يمحْضَارن نّس، ئِمْسح-اَسن س ومنْدِيڒ مِيزِي يصَّار يخف نّس.