Popular Bible Verses from ಲೂಕೆ 11

Share

ಅಂಚಾಂಡ ಪಡಿಕೆಂತಿನಕುಲಾಯಿ ನಿಕುಲು ನಿಕ್ಲೆನ ಜೋಕುಲೆಗ್ ಎಡ್ಡೆ ವಸ್ತುಲೆನ್ ಕೊರ್ಪಿನಕುಲಾಂಡ ಪರಲೋಕೊಡುಪ್ಪು ನಿಕ್ಲೆನ ಅಮ್ಮೆ ತನಡ ಕೇನುನಾಕುಲೆಗ್ ಏತೋ ಹೆಚ್ಚಾದ್ ಪರಿಶುದ್ಧಾತ್ಮನ ವರೊಕ್ಲೆನ್ಲಾ ಕೊರುವೆತ್ತಾ?” ಅಂದ್‌ದ್ ಪಂಡೆ.

ಅಂಚೆನೇ ಯಾನ್ ನಿಕ್ಲೆಗ್ ಪನ್ಪಿನಿ ದಾನೆಂದ್ಂಡ: ಕೇನೊನ್ಲೆ, ಅಪಗ ನಿಕ್ಲೆಗ್ ಒದಗುಂಡು; ನಾಡ್‌ಲೆ, ಅಪಗ ನಿಕ್ಲೆಗ್ ತಿಕ್ಕುಂಡು; ಬೊಟ್ಟುಲೆ, ಅಪಗ ನಿಕ್ಲೆಗ್ ಜಪ್ಪುಂಡು.

ದಾಯೆಗಂದ್ಂಡ ಕೇನುನ ಪ್ರತಿಯೊರಿಯಗ್ಲಾ ಕೊರ್ಪುಂಡು, ನಾಡುನಾಯಗ್ ತಿಕ್ಕುಂಡು, ಬೊಟ್ಟುನಾಯಗ್ ಜಪ್ಪುಂಡು.

ಯೇಸು ಅಕ್ಲೆಗ್, “ನಿಕುಲು ಪ್ರಾರ್ಥನೆ ಮಲ್ಪುನಗ, ‘ಪರಲೋಕೊಡುಪ್ಪು ಎಂಕುಲೆ ಅಮ್ಮೆರೇ, ನಿನ ಪುದರ್ ಪರಿಶುದ್ಧ ಆವಡ್. ನಿನ ರಾಜ್ಯ ಬರಡ್.

ಎಂಕ್ಲೆಗ್ ತಪ್ಪು ಮಲ್ತಿನಾಕುಲೆಗ್ ಪ್ರತಿ ಒರಿಯನ್ ಎಂಕುಲು ಮಾಪು ಮಲ್ಪುಲೆಕ್ಕ, ಎಂಕ್ಲೆನ ಪಾಪೊಲೆನ್ಲಾ ಮಾಪು ಮಲ್ಪುಲ. ಎಂಕ್ಲೆನ್ ಶೋಧನೆದುಲಯಿ ಸೇರಾವಂದೆ ತಪ್ಪಾಲ,’” ಅಂದ್‌ದ್ ಪಂಡೆ.

ಎಂಕುಲೆ ದಿನದಿನತ ಪಡಿನ್ ಪ್ರತಿ ದಿನಲ ಕೊರ್ಲ.

ಕಣ್ಣ್ ಶರೀರೊಗು ತುಡರ್ ಆದುಂಡು. ನಿನ ಕಣ್ಣ್ ಸರ್ತ ಇತ್ತ್ಂಡ ನಿನ ಇಡೀ ಶರೀರಲಾ ಬೊಲ್ಪಾದುಪ್ಪುಂಡು. ಅವು ಹಾಳ್ ಆದಿತ್ತ್ಂಡ ನಿನ ಶರೀರಲಾ ಕತ್ತಲೆ ಆದುಪ್ಪುಂಡು.

“ಏರ್ಲಾ ತುಡರ್‌ನ್ ಪೊತ್ತಾದ್ ಮದೆಟಾವಡ್ ಕಲಸೆದುಲಯಿ ಆವಡ್ ದೀಪುಜೆರ್. ಇಲ್ಲದುಲಯಿ ಬರ್ಪಿನಾಕುಲೆಗ್ ಬೊಲ್ಪು ತೋಜುಲೆಕ್ಕ ದೀಪಕಂಬದ ಮಿತ್ತ್ ದೀಪೆರತ್ತಾ?