Popular Bible Verses from ಯೋಹಾನೆ 1

Share

ಆಂಡ ಏರೇರ್ ಆಯನ್ ಅಂಗೀಕಾರ ಮಲ್ತೊಂಡೆರಾ, ಆಯನ ಪುದರ್‌ಡ್ ನಂಬಿಕೆ ದೀಯೆರಾ ಅಕ್ಲೆಗ್ ದೇವೆರೆ ಬಾಲೆಲಾಪಿ ಅಧಿಕಾರ ಕೊರಿಯೆ.

ಆದಿಡ್ ವಾಕ್ಯ ಇತ್ತ್ಂಡ್, ಆ ವಾಕ್ಯ ದೇವೆರೆ ಕೈತಲ್ ಇತ್ತ್ಂಡ್, ಆ ವಾಕ್ಯ ದೇವೆರ್ ಆದಿತ್ತ್ಂಡ್.

ಆ ಬೊಲ್ಪು ಕತ್ತಲೆಡ್ ಮಿಂಚೊಂದಿತ್ತ್‌ಂಡ್ ಕತ್ತಲೆ ಅವೆನ್ ದೆಂಗಾಯಿಜಿ.

ಆ ವಾಕ್ಯ ಪನ್ಪಿನಾಯೆ ನರಮಾನಿ ರೂಪೊಡು ನಮ ನಡುಟು ಬದ್‌ಕಿಯೆ. ನಮ ಆಯನ ಮೈಮೆನ್ ತೂಯ. ಆ ಮೈಮೆ ಅಮ್ಮೆರೆಡ್ದ್ ಬತ್ತಿತ್ತಿ ಒರಿಯೇ ಮಗಕ್ಕ್ ಉಪ್ಪೊಡಾಯಿ ಮೈಮೆ. ಆಯೆ ದಯೊಟ್ಲಾ ಸತ್ಯೊಡ್ಲಾ ದಿಂಜಿದಿನಾಯೆ ಆದಿತ್ತೆ.

ಆಯಡ್ದ್ ಮಾತ ವಸ್ತುಲಾ ಉಂಡಾತ್ಂಡ್. ಉಂಡಾಯಿನ ವಸ್ತುಡು ಆಯೆದಾಂತೆ ಒಂಜಿಲಾ ಉಂಡಾಯಿಜಿ. ಆಯಡ ಜೀವ ಇತ್ತ್ಂಡ್, ಆ ಜೀವ ನರಮಾನಿಲೆಗ್ ಬೊಲ್ಪು ಆದಿತ್ತ್ಂಡ್.

ಮನದಾನಿ ಯೋಹಾನೆ ಯೇಸು ತನ ಕೈತಲ್‌ ಬರ್ಪಿನೆನ್ ತೂದು, “ಇಂದಾ, ಬಲಿ ಅರ್ಪಣೆಗಾದ್ ದೇವೆರ್ ನೇಮಕ ಮಲ್ತಿ ಕುರಿತ ಕಿನ್ನಿ, ಲೋಕದ ಪಾಪೊನು ತುಂಬೊಂದು ಪೋಪಿನಾಯೆ.

ಆಯೆ ಲೋಕೊಡಿತ್ತೆ. ಲೋಕ ಆಯಡ್ದೇ ಉಂಡಾಂಡ್, ಆಂಡಲಾ ಲೋಕ ಆಯನ್ ತೆರಿಯಿಜಿ. ಆಯೆ ತನ ಸ್ವಂತದಾಕುಲೆ ಕೈತಲ್‌ ಬತ್ತೆ. ಆಂಡ ಆಯನ ಸ್ವಂತದಾಕುಲು ಆಯನ್ ಅಂಗೀಕಾರ ಮಲ್ತ್‌ಜೆರ್.

ನಿಜವಾಯಿನ ಬೊಲ್ಪು ಲೋಕೊಗು ಬರಿಯೆರೆ ಇತ್ತ್ಂಡ್. ಆ ಬೊಲ್ಪೇ ಪ್ರತಿ ಒರಿಯಗ್ ಬೊಲ್ಪು ಕೊರ್ಪಿನವು ಆದಿತ್ತ್ಂಡ್.

ದೇವೆರ್ ನ್ಯಾಯಕಟ್ಟ್‌ನ್ ಮೋಶೆಡ್ದ್ ಕೊರಿಯೆ, ಆಂಡ ದಯಲಾ ಸತ್ಯಲಾ ಯೇಸು ಕ್ರಿಸ್ತಡ್ದ್ ತಿಕ್ಕ್ಂಡ್.