Popular Bible Verses from रोम 5

Share

पण परमेसर आपणाऊँ अंय्यां को परेम कर्यो क जद आपा पापीई हा बि टेम का बो मसीनै आपणै ताँई मरबा भेज्यो।

अर आ आस आपणो निरादर कोनी होबा दे, क्युं क पबितर आत्मा क जरिए जखी आपानै दि गई ह परमेसर को परेम आपणा हिया म उंदकायो गयो ह।

खाली ओई नइ, म्हें तो म्हारा दुख म बी गुमान करां हां क्युं क म्हें जाणा हां क दुख थ्यावसनै जलम देवै ह। थ्यावसऊँ खराई अर खराईऊँ आस जलम लेवै ह।

आपा बिस्वास की बजेऊँ धरमी होगा हां, इ ताँई परबु ईसु मसी क जरिए आपणो मेळमिलाप परमेसरऊँ ह। बिस्वास की बजेऊँ बो आपानै परमेसर की दया म ल्यायो जिमै आपा इब जिर्या हां अर परमेसर की मेमा की आस प गुमान करां हां।

क्युं क जद आपा माड़ी दसा म हा ठिक बि टेमई मसी अधरम्या ताँई मर्यो।

इब जद आपा बिका लोयऊँ धरमी होगा हां जणा परमेसर की झाळऊँ क्युं कोनी बचाया ज्यास्यां।

जंय्यां बि एक मिनख क कह्यो नइ मानबा की बजेऊँ सगळा मिनख पापी होया ठिक बंय्यांई बि एक मिनख क कह्यो मानबा की बजेऊँ बोळा मिनखानै परमेसर सई बतासी।

ओई नइ, पण इब परबु ईसु मसी क जरिए जिकी बजेऊँ आपणो मेळमिलाप परमेसरऊँ होयो ह, परमेसर म गुमान करां हां।