Popular Bible Verses from मत्ती 13

Share

जखा बीज उपळी माटी प पड़्या अ बा मिनखा परगट करै, जखा मेरा बचनानै सुणै ह अर बानै समजै अर बिकै गेल फळ ल्यावै ह। जिऊँ बे सो गुणा, साठ अर तीस गुणा फळै ह।”

अर जखा बीज झाड़्या क मांयनै पड़्या अ बा मिनखानै परगट करै जखा परमेसर का बचन सुणै तो हीं पण इ दुनियादारी की चिंत्या अर धन-दोलत को लालच परमेसर का बचनानै भूला देवै ह क परमेसर बाऊँ काँई चावै ह।

गेला क बिचमै पड़्या बीज बा मिनखानै परगट करै, जखा सुणै ह क परमेसर मिनखा क मना म कंय्यां राज करै ह पण बिनै समजै कोनी बे जोक्यु सुण्या बिनै आर सेतान भूला देवै ह।

अर जखा बीज कांकरा म पड़्या बे बा मिनखानै परगट करै जखा बचनानै राजी होर तावळासा मानै ह, पण बचन हिया क मांयनै कोनी भसावै जद परमेसर प बिस्वास करबा की बजेऊँ मिनख बाऊँ बुरो बरताव अर बानै सतावै जणा बे थोड़ाई दिना म बिस्वास करबो छोड देवै ह।

“ईस्बर नगरी को राज खेत म गाडेड़ा धन की जंय्यां ह। ओ एक मिनखनै लाध्यो पण बो बिनै ओज्यु बठैई लुखा दिओ। अर बो राजी होर जोक्यु बी बिकन हो बो बिनै बेचर बि खेतनै मोल ले लिओ।

अर क्युंक बीज उपळी माटी प पड़्या जिऊँ बे सो गुणा, साठ गुणा अर तीस गुणा फळ्या।

जद ताँई फसल त्यार नइ होज्यावै आनै ग्युंकै सागैई बढबा द्‍यो, लावणी की टेम म मजुरियाऊँ खेस्युं क बे पेली खरप्तवारनै का'टर बाकी पुळी बणार बिनै बाळदे बिकै पाछै ग्युं की लावणी कर बिनै ओबरी म भेळो करो।’”