Popular Bible Verses from लूका 3

Share

जद सगळा मिनख पाणी को बतिस्मो लेर्या हा, बाकै पाछै ईसु बी पाणी को बतिस्मो लिओ। अर जंय्यांई ईसु अरदास कर्यो बि टेम परमेसर अकासनै खोल दिओ। अर पबितर आत्मा कबूतर की काया को रूप लेर बिपै उतर्यो, जणा अकासऊँ हेलो आयो “तू मेरो लाडलो बेटो ह, म तेरूँ बोळो राजी हूँ।”

जणा यहून्ना बा सगळाऊँ बोल्यो, “म तो थानै पाणी को बतिस्मो देर्यो हूँ पण जखो आबाळो ह बो बोळो सक्‍तिसाली ह म तो बिकाळा जूता का सळू खोलबा जोगोई कोनी। अर बो थानै लाय अर पबितर आत्मा को बतिस्मो देसी।

जणा इब थारा करमाऊँ ओ बेरो पड़णो चाए क थे पाप करबो छोड दिआ हो। अर अंय्यां मना जताओ की म्हें अब्राहम की ओलाद हां। क्युं क म जाणू हूँ अर थारूँ बी बोलुँ हूँ परमेसर आ भाठाऊँ बी अब्राहम ताँई ओलाद पैदा कर सकै ह।

इब कुहाड़ो दरख्त की जड़्या प ह जखो बोजो चोखो फळ कोनी ल्यावै बिनै का'टर आग म बाळ दिओ ज्यासी।”

जंय्यां की यसाया परमेसर की खेबाळा का बचना हाळी पोथी म मंडर्यो ह क, ‘कोई उजाड़ म हेलो देवै ह, परबु ताँई गेलो बणाओ अर बिको गेलो सिदो-सपाट करो। सगळी घाट्या को भराव कर इकसार कर्यो जाणो, टेडा-मेडा गेला सिदा कर्या जाणा अर बेढंग का गेलानै ढंग का बणाया जाणा जरूरी ह। अर सगळा मिनख परमेसर का छुटकारा का कामनै देखसी।’”