Popular Bible Verses from यहून्ना 13

Share

“अर इ टेम म थानै नयो हुकम देऊँ हूँ क एक दुसराऊँ प्यार-परेम राखो। जंय्यां को प्यार-परेम म थारूँ कर्यो, बंय्यांई आपसरी म थे बी करो। ज थे आपसरी म प्यार-परेम राखस्यो, जणा सगळा जाणसी की थे मेरा चेला हो।”

म थारो परबु अर गरूजी होर थारा पग धोयो, जणा थानै बी एक दुसरा का पग धोणो चाए। म अंय्यां कर थारै सामै एक मिसाल दिनी ह। जिऊँ थे बी बंय्यांई करो जंय्यां म थारै सागै कर्यो हूँ।

ईसु बिनै जुबाब दिओ, “म जखो करूं हूँ बिनै तू हाल कोनी समज सकै, पण पाछै तेरै समज म आसी।”

म थारूँ साची बोलुँ हूँ, कोईबी दास आपका मालिकऊँ बडो कोनी, अर नइ भेजेड़ो आपका भेजबाळाऊँ बडो।

इब थे अ बाता जाणग्या हो, जद थे आनै करस्योक जणा परमेसर थानै आसिरबाद देसी।

जणा बो आपकी खाबाळी चोकीऊँ खड़्यो होयो अर आपको कोटियो उतार एक गमछ्यो आपकी कड़त्यु प बांद्‍यो। जणा पाछै बो बठळ म पाणी भर आपका चेला का पग धोबा लाग्यो, अर कड़त्यु प भंदेड़ा गमछ्याऊँ बानै पुछ्यो।