Popular Bible Verses from Seemthawhnak 49

Share

Ngunkhuai a hem a phat tiang, cun mi ni a thu an ngaih tiang, Siangphahrang teileng cu Judah hemin, cun uktu ih teileng cu a ke lakkar in, a tawn dah lei lo.

Josef cu a vuang vuaimi sabit ṭeek, cirh kap ih a vuang vuaimi sabit ṭeek a ii; a tleengpawl cu a ruang parah an zaam. Thalkah thiamle ni ṭihṭhangaiin an vong do; an saai ih rauhngaiin an nor

Acuhmanah Jakob ih Pathian Dik kut thawngin, cun Tukhal, Israel ih Lungpi min in, a li cu a ṭhawngkau, cun a baan cu khuivaiṭha an ii. A tan bawn thok tu, na pa ih Pathian thawngin, cungla ih van khin thluasuahpawl rum, tangla ih ti thuk khin thluasuahpawl rum, tianau tampi leh sumhnam tampi, tan burh seh.

Judah cu na unaule ni an tan lawm thok; na kut cu na ralle hngawng parah na sia thok; na pa ih tiapale cu na hmaiah an kuum thok. Judah cu kiosa no dik, a sakawh a awk uh hnukah a omnak ah a kirmi mang, ka tiapa cu a ii. Kiosa mangin a bok, a doktia, kiosa pinu mang a ii— ahu ngai ni hi lei a ṭhang ngam?

Reuben, nang hi ka tia peitleng, ka dihcahnak leh Ka thaṭhatnak ih vuang peitleng na ii, nang cu diinhmun ah iseh, huham ah iseh, na hleih hngai. Ti mang a riingreenglomi na ii, na pa ih metnak tiang ah na lut; cuhnukah na hnomtamsak— ka ihkhun tiangah na kai—curuangah na hleih hngai ti thok lo!