Popular Bible Verses from Malika 2

Share

Umwene UJesu akapulika. Pwu akavavula akata: Avadulusu vwu navikundonda untuṅanya, va vatamu lweli vwu vikundonda. Nanditsili kukuvilanga avagolosu, bako nditsile kukuvilanga va vatulanongwa.

Umwene UJesu vwu aluvwene ulwidiko lwa vene, pwu akatsova kuńalisusa akata: Vi nswambango ndikusyikye inongwa tsako.

Akongeletsa UJesu akata: Unguluve upwu ampelaga usabati pwu akata ivetsaga va munu, ndatetsaga atye umunu ivetsaga va ju sabati.

Vavwene navapavweni pakumwingitsa vwu vita tuhegelele nave kumwene ulwakuva vale vongosuno avanu, pwu vakaswikula pakyańa pańumba vakagelela upwo alipwo umwene nńumba, vakamwisa lunine nuvusaga vwa mwene uvwu agonile uńalisusa.

Lola ulwakuva ndita mummańage Uńamunu ukuta isyikila inongwa nkilunga umwu, pwu ndikukuvula uve ndita: Imaga pimbaga uvusaga vwako ubihage kuvutsenge vwako. Lyu akatsova kuńalisusa ili.

Lyu lyebepe liliku ilya kumbula uńamasusa uju nilya kuta: ndikusyikye inongwa tsako nilya kuta: Imaga pimbaga uvusaga vwako ubihage?

Pwu umwene akima ṅani-ṅani, akapimba uvusaga vwa mwene akahuma kunzi vwu voni vilola. Pwu vakagangaluka voni, vakanginya Unguluve vakata: Tsu natutsivweni lusiku tsitsitsi.