Popular Bible Verses from YOHANE 12

Share

Kokoya mndu akundi njipfuṟukanya nache injilatya. Na hando inyi njikeri mpfondo na mpfuṟukanyi oko echikaa. Na kokoya mndu anjipfuṟukanya Wande nyi echimng'anyisha.”

Ichu mokunda moo foke nekaa nafudetse. Na ichu mosuo moo foke kunu wuyana aifuringa fushike ikaa mlungana.

Nyi lohi kya lohi ngamuwia, ndunda iya ya ngano kokoya yada ilaoloka teri-hu ikapfia-ho yo yadeo ikakaa ido. Indi kokoya yampfia-ho yo yechido iwike ndunda tsifoi.

Inyi nyi njicheye na kunu wuyana njikeri sa na orio mndu anjiidikye inyi kundu alakoye ikaa meemenyi.

Na kokoya mndu aicho madedo hako kada alahawada chio inyi njechimbonya owingopfo. Kyamba kitewe ngacha chi kundu njiwonye wuyana wu owingopfo kya indi nyi kundu njikiṟe wuyana wu.

Naho Maria kawuta kiraryo kya mafuda ha mbaṟi ya Nardo ha wuhuru wung'anyi hashikye ratili imu, kacha ishia Yesu madende kawuya kaangatsa madende halya na njui tsake. Mba iya ikarumbalala opfamo lo mafuda halya.

Wakawada maṟamba ha makangachi wakakure wahende imwambya wakakoṟoṟoma ilaha, “Hosana. Kwadapfumo ichu acha kui rina lya Mndumii kawewa mangi ya Israeli.”

Na Yesu kawahalwo kahamba, “Aikyo kiheri kyamshika Mana chu o mndu nahende iwiko mwitoṟi.