Popular Bible Verses from Lukka 5

Share

Nde o selnoo waajaade ndeen, o wi'i Simon: — Njehee to luggi, paɗɗee fiiliiji mon faa nanngon liƴƴi.

Simon jaabii, wi'i: — Joomam, min mbaalii miɗen piloo liƴƴi, min keɓaay fay huunde. Ammaa saabe haala maa, mi faɗɗan fiiliiji ɗi. Nde ɓe paɗɗunoo ɗi ndeen, ɓe nanngi liƴƴi faa keewi, faa fiiliiji maɓɓe ina ceekoo.

Ammaa imo toowta sera nokkuuje perwuɗe, imo waɗa du'aare.

Mi waraay faa mi nodda dartiiɓe. Wo luttuɓe noddammi faa tuuba.

Nde Simon Piyeer yi'unoo ɗum fu, dikkinii yeeso makko, wi'i mo: — Joomam, woɗɗam, sabo wo mi neɗɗo luttuɗo.

Iisaa jaabii ɓe, wi'i: — Wanaa selluɓe kaajaa cawroowo, wo nyawɓe kaajaa cawroowo.

Nde ɓe njottinnoo laanaaji maɓɓe leydi ndeen, ɓe njoppi ɗum fuu, ɓe njokki Iisaa.

Wakkati Iisaa wonnoo ley ngalluure gomma, gorko ceppinɗo sanne wari. Gorko oon yi'i Iisaa, sujidi e leydi yeeso muuɗum, na ŋaaroo: — Joomam, si a muuyii fu, aɗa waawi dannude kam faa mi laaɓa. Iisaa foorti junngo mum, meemi mo, wi'i: — Mi muuyii, daɗu! Wakkati oon ceppam ɗam ƴuwi e makko.

De fay ko Iisaa haɗi mo haalude ɗuum, kabaaru muuɗum ɓeydii sankitaade. Jama'aaje keewɗe ina ngara, ina kawrita faa kettindanoo mo, wooɗi du ndannee e nyawuuji muɓɓen.