Popular Bible Verses from Malaki 3

Share

Letenu ku shimo sha wulikumi ku bya kuteza shanzimba mu Litala lyami, ngayi mwanga mwikale byakulya. Nyezekenu taha mu shuma eshe, Nyambi wa Makunge nibyo anamba, ndi kukamishinkwilila mampananga akuyilu na kumiyitila mfuywezi zazingizingi ngayi mukabule nanoku kwakubikongela.

Nikakanisha mikumbi ngayi yikabule kulobesha mikabo yenu na mikolobozi ya shinyanca mu mafuba kukaleha kuyima yifwako. Nisho anamba Nyambi wa Makunge. Niho matunga nimwawo akamitoya ngayi bamfuywezi, ndaba litunga lyenu likenga lya kuwahilisha. Eshe nisho anamba Nyambi wa Makunge.”

Nyambi wa Makunge ukwamba ebye ngayi, “Bakenga bantu bami, bakenga ba likona lyami lya kuhatiwa ha mutena uyo nemikile, kami nikabayuvwila nceshe ngonehi muntu ayuvwilanga nceshe mwanendi wa mulume uya wamutendelanga milimo. Niho bantu bami bakamona kutapuluka mukati kabakakulunga na bakuluwa, mukati kanaba ba kutendela milimo Nyambi na baya bakubula kumutendela milimo.”

Nyambi wa Makunge ukwamba ngayi, “Monenu, nikutuma ntumwana yami mu kuwahisha nzila kumbili yami. Niho Nyambi ya Ngula ou mukushinga, ukeza ku Litala lyendi na ku bazumuna. Monenu, ntumwana wakulimama ou mu ku wahilila mumwendi ulinakwiza.”