Popular Bible Verses from Luka 14

Share

“Muntu ndi ukwiza kukwami kwakubula kuzimba tatiyendi na mandiyendi, mukazendi na bana bendi, bawushinda wendi na bampanzendi, hinge wumi wendi, kutwesha kwinga ndongesha wami wufwako.

Kami nimwendi ukubula kushimba shishempakano shendi na kunkonka, kutwesha kwinga ndongesha wami wufwako.

Ndaba ou nimwendi wakulinenehesha ukashepeshiwa, kami ou ukulishepesha ukaneneheshiwa.”

Nahiyo kami nimwendi hakati kenu wakubula kulihupwiza ku nimwabyo alinabyo, kutwesha kwinga ndongesha wami wufwako.

Yani hakati kenu ndi ukushinga kutenda litala, ha kubula kwikala taha hanci na kufwanikiza ndando yalyo amone ndi uli na mali akutwesha kumanisha nawo? Ndaba ndi ukuzika mwimbi na kukwanga kumanisha mulimo, bantu bakamonako nimwabo bakatatika kumukumangiza, na kwamba ngayi, ‘Ou muntu watatikile kutenda, ngoboni wakwanga kumanisha!’

Ngoboni ndi unapingi shimbo yihana ba kushepwa, bihole, ba kupenga mawulu na tushishitwa, pe ukatambula mfuywezi ndaba bakabula bya kukubweshela. Nyambi ukakubweshela ha mutena waku shanguka kwa bakakwoloka.”

“Mushele wenga shuma shashitobe, ngoboni ndi mushele unahamuku ukatobalishiwa nahiti? Kuwahisha limvu hinge kuwinga wilo kutwesheka wufwako ngoboni bantu ba kuwuyumbila ha munkanda. Ou uli na matu akuyuvwa, ayuvwe!”