Popular Bible Verses from Yowano 15

Share

“Ami nili mukolobozi wa shinyanca, enu muli myahi. Ndi muntu ukwikala mumwami na nami nikekala mumwendi, pe ukayima mikabo yayingi. Ndaba kwakubula ami, enu kutwesha kutenda shuma shimo mufwako.

Yikalenu mumwami na nami nikekala mumwenu. Mwahi kutwesha kuyima mikabo ninkayawo wufwako, ndele wikale ku mukolobozi wa shinyanca. Nanenu kami, kutwesha kuyima mikabo ninkayenu mufwako, ndele mwikale mumwami.

Ndi mukwikala mumwami na mazu wami akwikala mumwenu, nyepenu ebye nimwabyo mukushinga, pe bikatendiwa kukwenu.

Kaliha enu mwahatile ami, ngoboni ami namihatile. Namiyinikile ngayi muye na kuyima mikabo, mikabo iya yikekalilila. Pe nimwabyo mu kunyepa kuli Tate mu lizina lyami, ukumipanikabyo.

Kuhaka kwakunene muntu anafwanini kwikala nako ku bahoni bendi, kunengi kupana wumi wendi kukwabo.

Mwahi nimwawo uli mumwami wakubula kuyima mikabo, ukauketula, pe mwahi nimwawo wakubula kuyima mikabo, ukauketula, ngayi uyime mikabo yayingi.

Eze nizo ndayano zami, lihakenu umo na wamina ngonehe ami ninamihaka.

Wuwahe wa Tate uku moneka ndi mu kuyima mikabo yayingi. Ha kutenda ebye mu ku monesha ngayi muli bandongesha bami.

“Ami mukolobozi wa kupwisha wa shinyanca kami Tate niye ndimi.

Ndi muntu kwikala mumwami wufwako, ukuyumbiwa ha munkanda ngonehe mwahi ukuyumbiwa pe hiukuyuma. Myahi ya noho bantu bayikungulanga na kuyiyumbila mu mundilo, pe yahokeshiwanga.

“Byuma ebye ninamba kukwenu, ngayi ku wahilila kwami kwikale mumwenu, mwanga ku wahilila kwenu kwinzalishiwe.

Ndi mukwombatala ndayano zami, mukekala mushishemo shami. Nehe ninombatala ndayano za Tate, ninekala mushishemo shendi.

Eze nizo ndayano zami, lihakenu umo na wamina.”

Shinga enu muli bakakaye, shinga kaye kakumihaka ndaba ngayi muli bakakaye. Ngoboni ninamihata muno mu kaye, enu kaliha muli bakakaye, nibyo ba kumizimbila bakakaye.