Popular Bible Verses from Luka 17

Share

Hakumwila nindi, Nyamukaku, yaloŋa kweyi; kukuhwelela kweyi kunakukoleshi dehi.

Neyi ifuku dimu wukukuvulumuna mapampa katanu nakayedi, afunta kudeyi mapampa katanu nakayedi nawa nakwila nindi, Nalembi; kamwanakeni.

Wumu, chanamoniyi nakoli dehi, hakufunta nakulemesha Nzambi nezu daŊovu. Hakudinata chamesu heseki kunyendu yaYesu nakumusakilila; yenowu muntu wadiŋi kaSamariya.

Babalenu enu aweni. Neyi mana kweyi nakuvulumuni, muhosholi; neyi nabalumuki mumuchima, mwanakeni.

Yesu hakumwihula nindi, Hiyanatookeshi ikumuku? Indi awa atanu nawana adi kudihi?

Mwanta nindi, Neyi mukwi kala nakukuhwelela kwanti kwakweseka nakalubutu kamostadi kamu, mwadi kuwila iwu chilembalemba nenu, Bwitikaku, wuditumbi mukaluŋalwiji; wadi kuyovwahila.

Muntu wukukeŋa kumona wumi windi wakawujimbesha; muntu wukujimbesha wumi windi wakawumona wawuwenyi.

Hakuyila atumbanji twindi nindi, nsaŋu yakudimbwisha antu hijikutwesha kubula kwinzaku, chiŋa jinza hohu; hakwila owu wukujileta, o yihuŋu yakamonayi! Muntu wukudimbwisha mwana wanyanya wumu iwu, chikuwaha kumukasa ilola deneni dakuhala kunshiŋu yindi, hikumunatila mukaluŋalwiji.

Cheliluwu hamafuku aNowa, dichi chakelawu nihamafuku aMwana kamuntu. Adiilaŋa, anwinaŋa, asumbwilaŋa, asumbwishilaŋa, ndo nikwifuku depililiyi Nowa muwatu; dibaji dinza nikwinza, diyijilumuna niwejima wawu.