Popular Bible Verses from Luka 1

Share

Muloŋa kudi Nzambi hikwafumaŋa izu dabula Ŋovuku.

Mariya hakwila nindi, Tala ami kambuŋambala kaYehova; mwonsu muwunahoshi mumwekani kudami. Kaŋelu hakufuma kudi yena.

kaŋelu hakumwakula nindi, Spiritu Wajila wakenza hadeyi; Ŋovu jaMukwakubadika Mwiwulu jakakuzeŋamina; dichichuma chiwakavwala akachitena nawu chajila, hiMwana kaNzambi weyala.

Iwu mumbanda wetiya nakooleki, muloŋa yuma yanamulejuwu kudi Yehova yakamwekana.

Tiya, wakabaaba ivumu, wakavwala mwana weyala, wakanamutumba ijina dindi neyi YESU. Yena wakekala muneni, akamutena nawu Mwana kaMukwakubadika Mwiwulu, Yehova Nzambi wakamwinka itanda datata yindi Davidi dawanta; wakekala mwanta wakumutaŋa waYakoba naya nyaka; wanta windi hiwamba kakumaku.

Owu kaŋelu hakumwila nindi, Eyi Mariya, bayi wutiya womaku; wunawani wuselewa kudi Nzambi.