Popular Bible Verses from Joani 19

Share

Dichi Yesu chanatambuliyi owu walwa wabatuka, hakwila nindi, Chinamani. Yonoŋeka ninamutu windi, yotula niwumi windi.

Kulondela henohu, Yesu chanelukiyi nindi yuma yejima yinamani dehi, hakwila nindi, Natiyi mpwila; kulonda nyikanda yajila yilumbuluki.

Dichi Yesu chanamoniyi mama yindi nikambanji kindi akeŋeliyi anemani hamu kwakwihi, hakumwila mama yindi nindi, Eyi mumbanda, talaku mwaneyi owu. Hakumwila owu kambanji kindi nindi, Talaku mama yeyi owu. Kufumisha kumpinji oyu, owu kambanji hakumutwala kwiindi.

Ilaŋa chanashikuwu hadi Yesu, kumumona nafwi dehi, hiyamukotweh nyenduku; Ilaŋa ishidika wumu hakumupwika iyoŋa kukabavu, henohu hikukwidika nimashi nimeji.

Yumiyi ayilili kulonda nyikanda yajila yilumbuluki, yeliluwu nawu, Hiyakakotola hoku ifwaha dindi nidimuku. Nicheŋi mukanda wajila wukwawu nawu, Akatala hadi yena apwikiluwu.

Dichi hiyakumukwata Yesu, hiyakumutwala. Yena hakwidika, iku nadisendeli kulusu yindi, hakuya kwatenaŋawu nawu, Kuchaŋu; muHeberu nawu, Kugologota.

Mashidika hiyakuyinda chibaaba chanyimbambaŋoma, hiyakumuvwikachu kunamutu, amuvwika niihina dawusombu.