Popular Bible Verses from Joani 1

Share

Ilaŋa ejima amutambwili, wayinkeli Ŋovu yakwikala anyana kaNzambi, wowenawa akukuhwelela ijina dindi.

Hatachi hadiŋi Izu, Izu dadiŋi naNzambi. Izu dadiŋi Nzambi.

Chejeji ochu chatoŋekaŋa mumwidima, mwidima hiwatwesheli kujima chejejuku.

Izu dabalumukili kwikala muntu; washakamini mukachi ketu, hitukubanjila lubanji lwakulema kwindi, kulema kwaMwana kaTata wumu hohu, wasweja luwi ninsaŋu yalala.

Yuma yejima ayileŋeli kudi yena. Hikwekala chuma chaleŋeluwu chakubula yena kuchileŋaku. Mudi yena mwadiŋi wumi, wumi owu wadiŋi chejeji chawantu.

Chikunachi, hakumona Yesu wudi nakwinza kudi yena, nindi, Talenu Mwana kaMukoku waNzambi, mukwakufumisha nshidi yawantu ampata yamunu mwishina.

Yena wadiŋi munu mwishina; mpata yamunu mwishina ayileŋeli kudi yena, akwampata yamunu mwishina hiyamwilukiluku. Wenjili kuyuma yindi yomweni, antu indi yomweni hiyamutambwiluku.

Chejeji chalala chenzaŋa mumpata yamunu mwishina, chatoŋekaŋa mudi antu ejima.

Muloŋa nshimbi ajiheni kudi Mosi, hakwila luwi ninsaŋu yalala yenjili naYesu Kristu.